54
tawang beli pisan, I Buruh kembar nimbal. titiang nawegang ring beli, manunas ica, swecanin titiang urip.
426. Wong sinula masawur Beli ngortayang, to ne nyingsingin tapih, di wangannya pandan, to ne nyingsingang wastra, di wangannyane sri gading, ne magambahan, camara kaposium.
427. Mara pragat I Buruh kembar majalan, ngojog umahing istri, kapanggih makejang, mataken ring I Kembar enyen ngortayang Beli ken umah titiang, kranane tawang Beli.
428. Buruh kembar masawur to ada jalan, matusuk mangortain. Beli tonden tatas, buka wangsite busan, nenee eluh manyawurin, yen keto saja, tiang twara ngenyakin.
39a 429. Dening Beli twara nawang, wangsit tiang, nyen ja manawang wangsit, sento nyakin tiang -mangda kewong sinula, pramangkin ngraris mamargi, maka tatiga, I Kembar kado ngeling.
430. Nene elu maka tatelu misdaya, mangraris kapanggih, janmane sunula, wenten mangabut sula, wenten raris mangubadin, wenten mandusang, ngapikin ngurut kaki.
431. Padamaran umatur engken patutan, mangnggo ne mwani, Prabhu Aji Dharma, raris Ida ngandika, Patih malu mangenehih, engken, patutan, I Madri matur aris.
432. Ne mangabut selane wenang nduweang, Sang Prabhu manyawurin, ento pelih pisan, yen hira ja ngenehnag, ento nene mangubadin, mangganggon somah, Raden Dewi manyawurin.
433. Yen ban ento maka dadua twara wenang, manganggo ne mwani, yenbenehe pisan, ne mandusang ngelahang, Sang Prabhu ngandika aris, ping telu suba, ngandika Raden Dewi.
434. Babu Hinya keme enggal aturang, ring Sang Prabhu ne jani, Hinya Jut majalan, matur panguningayang, ring Sang Prabhu katur sami, sampun ping tiga ngandika Raden Dewi.
435. Prabhu Mahardika aglis maring putra raris ngandika Prabhu ne jani, Nanak Galuh Idewa, jani tibakang Bapa, teken
