46
dadi padadwan, mirib twara ada janma, di Bhoja negara ngiring, ngentengang raga, sinyanto bane sakti.
31b 340. Tan carita munyin janmane ngehengang, Sang Prabhu gelis mamargi, adoh mangalintang, wawengkon Bhoja pura, dadya taman becik, matlaga linggah, gumin Kreta negari.
341. Pancorane nenem mapinda garuda, yehe nimala hening, telagene gimbar, bebaturahe asat, mabajra-lepa ngilehim, makanda, kanda, kakayonan di sisi.
342. Tembok tamane tegeh nyelep nyalebat, pada malepa putih, gagarapan tukang, kori agunge ngakkag, marep kelod bungah pasti, mapulas melah, rarenggan liyu ngapit.
343. Wenten loji mempat ring pinggir telaga, bungahe tidong gigis, madempel maprade, korine lintang bungah, babaturan tegek pasti, ngenah ngilihan, maaraab ban bata-bin.
344. Tegak tamane tegehin teken marga, kelod ngilihan pasih, kawuh carik banat, betennyane kaja, Kangin dewa manggenahin, twah tulen kadi, tamane di Pragjyoti.
345. Lintang melah nyandang gawokin ring manah, kekantene bas kaklebutan katah, toyan ipunnirmala, pantes ngenah widyadari, kala cangkrama, madan di Purna-wati.
32a 346. Kaklabutane marusan kadi tukad, ngilehin taman becik, mangecekin sawah, liyan malih soroh burwan, akeh di taman malali, soroh siyuwan, makadi sarwa paksi.
347. Bowin punyan woh-wohan ngebekin taman, nedeng mabuwah sami, makeneh manyambat, kalih manise lintang, ada janma luh adiri, tuwa pataka, ya ditu mangebagin.
348. Sedek nyampat I Madri nyrojod mantukan, ring lojine si kangin, negak mategtegan, ngawas tamane melah, buwin ada ngenah becik, ditu magenah, gambat potret asiki.
349. Mapinda luh bajang jegege kalintang, lengleng I Patih Madri, nyebak ngob pisan, buwin ada mangenah, gedong di tengah sarasi, tegeh kalintang, bungahe tidong gigis.
350. Muwap putih lalepayan tukang wangkang, rahabe murub
