40
274. Patih Madri irika nyarisa, ring tunjunge ne mihik ne ngaturang erang, becik, ratu kaarsaang, Sang Prabhu ngadika aris, jalan I Madri, pisan nglaut ka pari.
26a 275. Mangde lasia ditu paek ira nagahagiang, I Patih matur ngiring, manglut najalan, Sang Prabhu wus mamarga, rauh ring Pagaluhan mangkin, kapanggih Ida, Raden Dewi malinggih.
276. Gelis tedun Raden Galuh saha sembah, nanging masebeng hisin, Sang Prabhu ngandika, patih Madri ne suba, putrin hirane liyatin, I Madri meliyat, gawoke tan sinipi.
277. Laut matur tunjunge ratu harsayang, Sang Prabhu raris nagih, Tuan galuh ngandika, tunjunge kakarsayang, I Tunjung matur ais, aturang titiang, mangkin titiang ring kendi.
278. Kahaturang u tunjung dadune punika, Sang Prabhu mananggapi, raris layu pisa, I Madri mangaturang, mangkin raris ring kendi, malih kakarsayang, sang Prabhu malih nagih.
279. Kahaturang I Kendi kaceme lintang, Sang Prabhu ngnadika, mangkin nyarisa ring kendi, malih karsayang, sang Prabhu malih nagih.
280. Kahaturang I Kendi kacame lintang, sang Prabhu ngandika aris, Patih yan twah sida, bakat ne nggawe jengah, jawining sang Prabhu ratu luwih, Brahmana wangsa, sing pisan nira ngurip.
281. Mangkin ratu ring ali-ali magenah, ring socane nat ngendih, Sang Prabhu ngarsayang, Tuan Dewi meningehang, Prabhu Aji Dharma Angling, aturang titian, boyang wusan I aji.
282. Mangarsayang I Madri ipun nguningsayang, satingkah titiang manik, yen ida ngaturang, bungkunge daglang pisan, sebengang duka akidik, raris kadaglang, di batune mlangketik.
283. Prabhu Aji Dharma malih ngandika, mas mirah titiang mangkin, yan I aji duhka, tulus pacang mademang, I ratu pageh ring Puri, durusang pisan, suecane ratu inggih.
26b 284. Icen titiang ganten maka sangun pejah, nganing titiang iriki,
