37
244. Tan wenten irika, Prabhu Aji Dharma mlinggih, dadi ada mangortayang, ring i Gusti Patih Madri, Prabhu Bhoja Negari, karawuhin sebet kahyun, antuk putrine bobot, tan makanten swami, pineh Ida, Sang Prabhu sawuh pandika.
245. Asing nyidayang ngantenang, ne ngrusak Raden Dewi, ka anggen mangku negara, sa hature kapisinggih, I Patih Madri kenying, sakeneh jani katepuk, legane asksakan, gelis kabancingah ngraris, ne kaojog I Patih Bhoja nagara.
246. Pesu munyi nyane banban, titiang daweg Gusti Patih, Gusti ngawekasang, titiang, ring Sang Prabhu mangkin, titiang nyinahang ugi, ne ngarusak Reden Galuh, jaga tenungin titiang, i Patih mataken aris, cai enyen, titiang I Patih malawa.
247. Patih Madri wastantitiang, I Patih ngararis ka puri, teked di jero ngaturang, titiang ngawekasang ugi, wenten I Patih Madri, saking malawa pukulun, ipun sumanggup pisan, nyinahang kewehe mangkin, yen tan banget, ipun bas kadur manggala.
PUH DURMA
248. Prabhu Bhoja, negara wau mirengang, hature sira Patih kenake kalintang, mangraris ka bncingah, rauh ring bancingah gelis, Sang Prabhu egar, ngandikain I Mandri.
249. Patih Mandri kocap I Patih nyanggupang, nyinahang, nene jani, ne nyengahin hira, I Patih madri nimbal, inggih ratu sawiyakti, yen manah titiang, nedunang ratu sami.
250. Soroh mantri kaulan Cokor Idewa, nanging ne mwani-mwani, mangden ka bancingah, tedu sareng samiyan, Sang Prabhu harsa masinggih, raris ngandika, togog kema kakalih.
24a. 251. Soroh janmene mwani-mwani tundenang, makadi para Mantri, akejepan teka, mepet jejel ring bancingah, Sang Prabhu ngandika aris, Patih Lawutang, ento pada liyatin.
252. Yen nya karwan bakal anggon hira lamat, I patih kaupahin, I patih menyangjag, ngawas janmane samiyan, lawut nguninga mawali, mungguh ring janma mwani.
