35
ngaraos, sareng Ida Prameswari, yayi sewi, tiang ngipi ibi sanja.
230. Nanak Galuh kocapannya, sekate ngubuh belibis, ambul ngubuh macan galak, makadi selahan bukit, kenken yen keto yayi, Sri Prameswari masaur, mai pisan tundenang, pisanan kema te alih, anak galuh, tunden mai enggal-enggal.
231. Ken Pisangan gelis majalan, dapet Raden Galuh melinggih, Sang Belibis nyepsep nyonyo, Raden Galuh mapi nguwehin, tuman bikase kasil, nyen ka bes-bes kilut-ilut, Sang Belibis mecara, bumara ukan mangedi, Raden Galuh, manyaup mangaras-aras.
232. Ni Pisangan saget teka, gelu ngenot Raden Dewi, mahirib anak kaleson, Ni Pisangan matur aris, ratu Dewagung istri, titiang mariki kautus, nuhur Cokor Idewa, nunas ne mangkin mamargi, Ida Sang Prabhu, ring ambene pakalihan.
233. Raden Galuh sawur naha, ngraris mantukan masuri, gelung payas sambarana, mangraris Ida mamargi, Belibis twara ngiring, rawuh ring arep Sang Prabhu, Raden Galuh anembah, Sang Prabhu ngandika aris, Nanak Galuh, mai paekang manegak.
22a 234. Atman Bapane Idewa, makelo tong taen mai, Raden Galuh matur alin, titiang daweg matur sisip, manah titiange makit, rawing manglimuh, pramiswari manimbal, ngenah saja kecud gati, mai Dewa, dini pahekin ja Biyang.
235. Raden Galuh mandesekang, Pramiswari raris ngambil, tangane ngecel ngantenang, raris mangandika aris, saja I Dewa sakit, nunase lintang manulus, yapin melah mandusang, jani I Biyang mandusin, Raden Galuh, raris meseh patelasan.
236. Ngraris ring bale jajar, Sang Prabhu gelu nyingakin, sareng Ida Pramiswari, susune Rahaden Dewi, kenyang sada arupit, tuktuk selem sada gemuh, Pramiswari ngandika gelu kagyat sada jengis, adi ngidam, nyen si ka anggen somah.
237. Tong ortain kuda Biyang, yang kasatriya yang Pra Gusti,
