32
207. Magelung matetagelan, rambut panjang selem samah ngedanin, papacek masoca murub, mapinda sasaksakan, wus maparas, alise tajep malecut, sami magulungan ombak, panak boke buka cawi.
208. Mabunga empak-empakan, mas mesoca gagarapan ne pasti, masubeng masoca murub, untune putih nyalang, lambe bahak, kenyung manis membah madm, mowane mabulan pumama, pamulune lempung gading.
209. Susu nyangkih naka panjang, murap-urap menyug ban lengis miik, makesiuh miik mangalub, jegeg tan patandingan, pantes dewa, sasih kapate tumurun, dadi putrinya Bhoja Pura, sangkan asing bikasang asin.
18b 210. Malinggih (mangawasang) wusan matirta, di ambenne tan sah taler mangabin, Sang Belibis putih tulus, sambilang melanjaran, ngayang-ayang, mairib ngantiang makebur, kayone ka Smara loka, nyandang nyinomin negari.
PUH SINOM
211. Sang Belibis mengawasang, Raden Galuh jegeg gati, leleh rasa tan patulang, uling makelo nagkengin, jani tong pisan dadi, tangkengin mabudi nuuk, nyanan ditu taanang, ulurin idepe branti, raden Galuh, mangkin Ida mengajengan.
212. Sang Belibis tuara belas, sareng ngajengang maabin, mangkin tan kacaritanan, peteng ucapan ne mani, wenten tengah wengi, sane makemit maturu, makadi kaka-kaka, Raden Galuh malinggih, jroning kasur, nyanden sang Belibis petak.
213. Sang Belibis mailidan, saget dadi janma muani, baguse tuara memada, pamulune putih gading, suba teka ngedanin, asing solah, teka pangus, laut ndesek manegak, manyanding Rahaden Dewi, Rahaden Galuh, gelu kasanding manegak.
214. Kari manegtegang manah, ngandika raris nakekin, niki sapa sira jero, Sang Prabhu masaur aris, Rahaden Galuh masaur, to kenken sih awanan, mandadi Belibis putih, jani dadi, jelema bagus kalintang.
