31
pada ngrawos, ngajak timpale pakenyung, yen iyang kaican ngajak, kenken legane mangabin.
199. Ada len buin manimbal, ento kenken kedise, takeh nyai, yen muani ke yen eluh. Sang Belibis manimbal, inggih embok, kahyun uning titiang dumun, titiang Belibis Malawa, nanging titiang kedis bancih.
18a 200. Kedekin ajak makejang, Sang Belibis laut pesu kakawin, kidung malat manis anjur, duk sira Nrang Kesarya, keni kambil, ring gunung kaukut-ukut, kagelut kaharsa-harsa, antuk Sang Amalat Rasmi.
201. Kakawin duk Sang Arjuna, manggwing Swarggan kcipabuncingan becik, ring Widyadari papitu, munyi manis maembah, ela landeh, buka maembahan juruh, Raden Galuh miragiang, lengleng sajro gawok sami.
202. Raden Galuh sayang ledang, manyayangang tuara belas awai, Sang Belibis yen maturu, tan sah aneng pabinan, nyepnyep nyonyo, buka nyuh gadinge lumlum, di petenge tuara belas, manyanding Rahaden Dewi.
203. Lewih ta yen mangajengang, Raden Galuh Sang Belibis nyarengin, bikase mairib atun, mara tingkah kurenan, saget mengos, mecara tuara da cumpu, Sang Belibis bas kalintang, Uluka ring Raden Dewi.
204. Mangkin sampun mabusana, Sang Belibis magelang mas maukir, masesocan inten murub, magelung emas masoca, mirah wayah, lan emas panekep ikuh, mapinda garuda nyebak, sumingkin bagus ngendanin.
205. Wenten inganan dua bulan, Sang Belibis nongosin Raden Dewi, nyabran ring pancoran mandus, tan sah ingusap-usap, sayan mamrat, raga smarane mangliput, Raden Galuh buka gambar, jegege ngedanin ati.
206. Nuju purnamaning kapat, Raden Galuh mamatut pahyas, becik, wastra sutra barak alus, ebek baan parada, kurub Ida, sutra tangis maprada alus, masinjang perancis gadang, papekeke sutra pelangi.
