16
melengis, mokoh lemuh kilang kilung, batan kepuhe ngojog, saking irika ke aksi, raris rauh, sang Putri karure rupa.
50. Dewi Daksi saking Siwa, dwarance mijilang geni, karura makedus logor, Dewi Dati saking bibih, apine mamerat ngendih, Dewi Data sking muruk, apine mangulelam, patlad-tad ngebekin gumi, lian saking, sarwa mandi mijil apya.
51. Prabhu Aji Dharma nyingak, rabine bisa madesti, dadi kalintang angob, sang Daksi laut mamunyi, ne ada bangke adi, mirib mapasah itelun, jani ne suba purak, sang ari kalih nyagjagin, tan pangitung, mangrongkeh ajak tatiga.
52. Pengite ngebekin setra, cicinge selem nyagjagin, Dewi Daksi ne ngojog, manyalung ngilehin batis, mirib mapituturin, da kakene data saluk, Dewi Dati angucap, cicinge embok entungin, mangde wusan, ipun menyalung di sema.
53. Dewi Daksi raris ngatat, layah ngentungin cicing, Sang Dati malih kaojog, nyalung irika ngilehin, raris kentungin ati, kacaplok malih manyalung, mangojog Dewi Data, bau kentungin isi, glis kasegut, sang Prabhu nuli matulak.
54. Rauh di jro kasangidang, dadi mapineh di ati, ene ada pacang ambah, mesuang pitutur becik, yen tuara ada gisi, pedas benya tong kagugu, bau asapunika, papinehe di jro ati, kaget rauh, sang Putri maka tatiga.
55. Raris ngojog ka pamreman, malinggih sami masanding, ebone miik mangorob, dening tangar sareng sami, masiram marardin, malengis miik satambul, miik nyane bulanan, mangraris merem nisihin, Ida Sang Prabhu, mapi-mapi tan uning.
6b 56. Sang Prabhu matangi kagyat, raris mananginin rabi, matangi sami kang wadon, sang Prabhu ngandika manis, mas mirah titiang ngipi, Ia Ratu maka tatelu, kocap bisa ngaleyak, I Dewa Sang Data iki, kocap nyepel, isi jroning pasuwahan.
57. Sang Dati kocap nyepelang, hati di pawane pengit, Sang Daksi kocap I Dewa, nyepel layah bangke pengit, di pecrakene jani, sang dyah tongkejut macebur, manatas ne
