15
42. Madandan raris majalan, Dewi Data raris nyilih, embok tiang malu ngajak, niki I Beli awai, rakan Ida kakalih, tan panjang saure asung, anging de nyen makelo, apikin masih ulanin, apang Ida, lega anggon ubad kiap.
43. Prabhu Aji Dharma ngucap, mas Mirah tiang I Manik, katiga manjakan tiang, sela genti tiang mangemit, mangkin sampun mangraris, di pamreman maturu, Dewi Data angucap, lega tiang rauh Beli, mangenain, titiang ring alas Malaya.
5a. 44. Prabhu Aji Dharma nimbal, titiang tan panjang mangiring, titiang madue tututan, satus di jaba manganti, nika ratu ndikain, yan napi kayunan ratu, ipun ndikayang ngalap, kewanten ratune mangkin, durus ugi, kenake manjakang titiang.
45. Tuara pegat agukih sinjang, lukar nuli kasalingling, kang panangkaning wirang rong, gregetan manisan pipi, mangusap-usap ne pingit, Sang Dyah kaerang mingguh, sampin sira cumbana, tan kacarita ne mangkin, sampun atun, rabine maka tatiga.
46. Wenten inganang dua bulan, Sang Prabhu ngenahin rabi, mahimyanan karaskin, ne mangkin critenan wengi, Sang Prabhu Ian Sang Putri, mapi turu pada wruh, Sang Prabhu Aji Dharma, mapi sirep sada aris, nanging Ida, mirengang raos sang Putri.
47. Dewi Daksi mangandika, adi dong jalan ne jani, mungpung rakan adi nglumah, makelo tong taen mlali, kasemane negaris, nglekasang mantra ne malu, yen kenken to cayannya, enu buka riin-riin, enot-enot, tiang bangkene di sema.
5b 48. Sang dyah kalih mangiringang, rauh ring ksetra mangraris, wenten ngojog pamuwunan, wenten ke dalam mangraris, sampun melekas sami, Prabhu Aji Dharma mungu, ngraos ring pakayunan, kalingane bisa sami, tong kadaya, jegege bisa ngaleyak.
49. Nah indayang kema wawas, karmawan ken pinih sakti, mangraris tedun mamarga, rauh ring ksetra mandadi, asu selem
