13
sari, sampun genep makatelun, teka labahan, tuara ngitung-ngitung esing, pada culuk, tembe mangrasanin lega.
27. Sang Prabhu alon ngandika, tan sah mekul ngaras pipi, duh mas mirah sang ayu anom, durusang ratune mangkin, tulung i lara sedih, kene paling jroning kasur, limane pati gabag, saget ngusud nyonyo nyangkih, pati usud, dadi bakat tanggun sinjang.
28. Amungguh manggih angaras, lukas tinindyan sarasmi, kalenger wus sinung sepah, sang Prabhu ngandika aris, niki ja ratu tampi, sepah usadaning lesu, Gusti narimeng waja, Sang Natha raris magending, ngurut-urut, ngarum-rum sambilang nyangkrimang,
29. Dewi Daksi buka enyeg, kayune bau miragi, pengrum-rum manis mangeloh, buka maembahan gendis, balbur juruh apasih, Dewi kancit rauh, embok enyen kaajak, pangrum-rum lintang manis, dingeh tiang, mirib anak bagus pisan.
30. Dewi Daksi mangandika, sing ko ada nak dini, ajak tiang mangrarawos, Dewi Dati manyaurin, pegeh embok mangengkebin, padidi nagih mekupkup, raris nrojog mantukan, kanten sang Prabhu malinggih, jroning kasur, lengleng Dewi Dati nyingak.
31. Anak bagus bajang jamprah, Dewi Dati buka iris, kayune mabudi ngoros, tumuli maatur aris, I Mbok tiang manyilih, akejep anake bagus, tong dadi lenang tiang, keneh tiang dekdek paling, Dewi Daksi, masaur kema ja ajak.
32. Nanging da makelo ngajak, Dewi Dati nyapa aris, Dewa kadi Hyang Smara, nunas ke titiang simpangin, Sang Prabhu manyaurin, titiang ngiring ratu ayu, sampun iraka lugra, titiang anggen juru kemit, sok ndikayang, juru ngamong ring pamreman.
33. Dewi Dati raris nandan, ngojog kapamreman kalih, Sang Prabhu ngelut madya, Dewi Dati mapi nangis, adengang keja jani, mairib ilang, manambung, Sang Prabhu ngandika alon, inggih Dewa Sang luir Ratih, baya ratu, makada titiang byapara.
