10
bu dawuh kalih, sang Prabhu sampun malinggih, makampuh sutar gadang, mapatran maprada sami, bulang kampuh, sutra halus rarendahan.
4. Pepeke sutra barak, mawastra Perancis tangi, akris alandeyan togog, meselut ban mirah adi, sasembar winten sami, warangkane jamprah alus, wijiling salangabangan, palet nyane buka tundik, abra murub, kasundaran baan surya.
5. Gelung Ida kakelingan, seneng miringan pawestri, ada mengaba lelancang, len ada mangaba utik, jogog, ayar tan sipi, ada ajaka plakutus, soroh sai magilap, mapayas malengis miyik, bajang patuh, pamengpeng gawe, masmaran.
6. Ring harep Ida Sang Natha, para wikune malinggih, Tanda Mantri, mwang Bujangga, I Patih Madri nyelagin, matur saha bakti, inggih ratu Dewa Agung, puput manahang titiang, rahayun jagat Malawi, anging ratu, ring puri kari tanayan.
7. Yan kapatut hatur titiang, becik ratu ngrereh malih, maka dagingin jro, sedeng mungguh Pramiswari, I Lobangkara sengin, ndikayang ngayah nagantun, mangden ipun mamotret, soroh ratune maputri, wantah wenten, mantuke ring kahyun.
8. Titiang mamargi manglamar, yan tan wenten keni padik, nunas gebog mangde kawon, sang putri keni jarahin, Sang Prabhu saur aris, Patih beneh mapitutur, nira sing pisan ada, ajanian idep ngalih, yan twah ada, ambul ne mati di pinggan.
9. Hira buinngalih somah, nanging tong ada ngasahin, jawing ke Smaralaya, ring Ida Bhatari Ratih, ento bilih satanding, Para wikune mahatur, ratu tan sapunika, antuk kalinggihan gimi, entos ratu, panresthin Hyang Widi Wsa.
10. Mabriuk sami matutang, tengahi budal katangkil, Sang Prabu raris ka jero, ne benjang caritanen, Sang ne benjang caritanen malih, Sang Prabu mangesengin, soroh juru boros tedun, nggawa saupakara, tekaning manandan cicing, wenten satus, tedun pacang mangiringan.
