65. Dening iba kasub bisa, di selam tuara nandingin, ne ada jalema iyos, nene madan Pan Bungkling, ia ngaku nandingin, de dukuh selam matur, edalem titiang pisan, pacang kawonang Pan Dungkling, dija ipun keni titiang sauninga.
66. Pan Bungkling nyawutin getar, icangne madan Pan Bungkling, icang mabudi matakon, tekening gamane suci, meled makita uning, De Dukuh enggal masawut, lawutang jadi takonang, masa onya ban nakonin, engken malu, ne jani pacang takonang.
67. Apang emed dogan, idepan nyugjugin pasih, Pan Bungkling masawut alon, da nden malu brangti, dingehang apange pasti, patakon icange malu, to igama selam, tekening igama bali, engken luhur, engken ne madan soran.
l0a. 68. Ngken to luwihan wangsa, ken liyunan ngelah aji, engken Dewane kawot, ne ngodagang pati urip, engken ne madan mati, engken ne madan idup, tatasang apang pedas pangangeteng besik-besik, da nya lamur, anak icang tonden pedas.
69. De Dukuh selam nartayang, nah dingehang apang jati, yen gama selame reko, anak ento paling luwih, tuara kuangan aji, ngelah sastra pitung atus, yen pepekang makejang, genep nyane duang tali, dening kewuh, anake magama selam.
70. Anak wangsa luwih pisan tuara ada manandingin, yan Dewane nene kawot, Alah Talah paling luwih, ida ngodagang gumi, to paraning pasuk wetu, utpeti miwah peralina, tekening astuti cai, pada ditu, tuara ada dadi belasang.
71. Ne kene patunggalang, dewa lalima to cai, Abubakar paling enyom, Nabi Muhammad gumanti, Nabi Adam ngentasin, gumanti si Nabi Usup, wekasan Alah Talah, keto mimitone cai, krana liyu, abete masalin sastra.
10b. 72. Pamuputan tuah totonan, ken jadmane katongosin, matakon to cai keto, nah bapa ngorahang jani ne darma katongosin, buwin nawang sastra liyu, dewane atut pisan, kene nawang sastra kilit, krana takut, apan ia mangutang lampah.
84
