50. Suba kasub ka nagara, Pan Bungkling liwating ririh, ada dukuh selam reko, madan ia Tandurahim, ningeh De Senggu Tangi, bane kuciwa masawut, yan awake lawana, gudug lamun manyirikin, saling bucu, anyari masa matimpal.
51. Buka ada angan domas, soroh seleme sisyanin, tong onya baannya nyendok, mingkin anake adi, onya banya nakonin, samannya nyugjugin danu, bagia apanga teka, dini te apanga ririh, lamun ditu, jumaha nyenta ririhin.
52. Dini apang edenganga, sing nya te ya buwung ririh, sing nya anak belog-belog, ne lawan nya ban Pan Bungkling, krana ia mangalahin, amekul munyin De Dukuh, tan kocapan totonan, ana pangiketa malih, gusti agung, malinggih di Pemamoran.
8a. 53. Anak mula-mula suka, ngelah panjak duang tali, babikasan sada jega, selid sanja ia katangkil, goba tuara ada nandingin, kumise ingkel maneluk, cunguhe sada dawa, matane mamatan sampi, bawu pesu, manehen tendas parekan.
54. Lengare barak nembaga, eboke nene diori, ia inggel sambeh, ngarobrob, basang gede tangkah beris, ulate kenying-kenying, tuwi pantes anak agung, negakin lungka-lungka, kaparek ban soroh wargi, ada satus, rame ia magogonjakan.
55. I Gusti Wayahan ambwak,. pingarep anake nangkil, lan I Gusti Wayan Gedot, I Gusti Nyoman Calagi, I Gusti Ketut Kenjing, lan i Gusti Godang Gambuh, I Gusti Nyoman Sedahan I Gusti Ketut Sempidi, Gusti Bendul I Gusti Gede Serangan.
8b. 56. Malih soroh para putra, Alit Toma Alit Gasing, Alit Cabcab Alit Silo, Alit Rijasi tan kari, Alit Kancana Sari, Alit Saloka Tambak Gangsul, Alit Wayahan Tuban, sampun pepek pada nangkil, Gusti Agung, kenyem raris ngandika.
57. Ne bapa Wayahan Ambuak, miwah bapa Ketut Kenjing, lawutang nggawe gaguyon, pang ada kedekin dini Gusti Ambuak
82
