42. To madan meli dimudah, anake suargane cai, mas manik mandadi tembok, mirahe maka jalijih, kayu madan lungsir, permas lawan gagulung, bale maraab gedah, korine winten maukir, endih murub, galang tuara ada madamar.
43. Len anak luh melah-melah, soroh tong kena pilihin, pasekeb nganggo-anggo teka pada mangayahin, mangabasing demenin, sing kitayang suba ditu, karana bapa ngorahang, mudahe tuara ada gigisin, dadi kenyung, Pan Bungkling nyawutin enggal.
44. Jerone taen marika, doning tatase tan sipi, titiang mabudi matakon, apang titiang manggih becik, di senggu manyawutin, to suba buka karmane bawu, bapa sing taen kema, sok ucapan sastra luwih, munggwing tutur, buka keto tuduhanga.
7a. 45 . Pan Bungkling malih nunasang, sapunapi jro Tangi, saking patuduhe reko, jrone tan wenten manggih, maidep titiang mangkin, mangawe patuduh tutur tengah pasihe kelod, wenten mas ambul sendi, nika ruruh, ceburin pasih punika.
46. Nika di pasihe kaja, di tengah madasar pipis, rawuhing mirah a sok, titiang mangaturang sami, anging yan jrone bani, macebur sambilang maimpus, batise maka dadua, magantung bias atapis, miwah batu, ambil telasang irika.
47. Yen jrone manggege titiang, titiang ngega jro Tangi, yan jrone mangaden linyok, ucapan titiange sami, jrone linyokan buwin, bobabe teked katilu, ngorahang ada kawah, tekening suarga luwih, tusing ngugu, munyin babedag nenenan.
48. Pan Bungkling raris makaad, sambil manglegingang jit, apan De Senggu mamogol, manyaluk brata manyatri, karana kacacekering kenehanga tuara belur, suba inganan joh, tan kocap De Senggu Tangi, anak tuhu, magehang ucapan sastra.
7b. 49. Pan Bungkling sumangkin betak, tuara nyangka-nyangka munyi, mangaku awake iyos, ngalahang De Senggu Tangi, tuwi manabeng mati, tuara ngelah pacang tuwut, Padanda Gangga Sura, nembak bengkot bucu mati, dadi bendu kuciwa mesuang peta.
81
