Kaca:Geguritan Pan Bungkling.pdf/79

Saking Wikisource
Kaca puniki kavalidasi

34. Nika patujuin titiang, mangde sida manggih becik, De Senggu masawut alon, nah yen keto idep cai, tong dadi bapa jani, ngorahang tan pasasantun, apa makrana keto, cai lempir bapa lempir, murug tutur, anak naraka palannya.

35. Sok bapa ngencenang dogen, mangorahang teken cai, kaden gampang liwat abot, tatelu karana polih, saking sewatah cai, len saking warah sang guru, saking ucapan sastra, binderang cai mabasanin, ditu tepuk, ne madan marga sanga.

36. Ne cai mamugerang, ento anggon manasarin, pagehe mayoga reko, ngingerang awake sai, kene padannya cai, suryane ia surup kawuh, buwin mani semengan, endag nyane uli kangin, uli kawuh, dija ambaha nganginang.

6a 37. Nene surup ibi sanja, ia ke jani, dija gumine bolong, ambaha makaad kangin, dening ucapan gumi, suryane majalan knwuh, dadi kangin mandelok, ento cai palajahin, lamun cai, tuara manawanng totonan.

38. Da cai matektekan, buwin mapuja sai-sai, manguyeng genta ngaliwon, keh cai mawuwuh paling, apa buwin pujain, suarga ia suba makadut, to anake mapuja, cirin tonden onya jani, antuk ipun, minderang masanin sastra.

39. Karuna tong dadi petayang, munyin bapa teken cai, pada luwih pada nganggon, yoga karmane to cai, tuara malaksana, sakitan karmane cai, basang puyung, mata ] tuara makijapan.

40. Laksanan nyane milu tuna, gagodan liyu nekain, malahan yogane anggon, apan cai mamilihin, jalan cai manyagjagin, ingetin dewane putus, ne bakal anggon surya, ne sadia adannya cai, da ibuk, cai malajah ken bapa.

6b.

41. Yen cai manjing kamoksan, sengka pisan baan marenin, mas mirah lawan panganggo, ento baren paling luwih, gumi salaka pipis, warangka dadine luwung, satua pamelin marga, to bapa takutin meli, mase luyu, beli aji tengah belah.


80