401. Wang Pamamorane, pada ring Mekah mangrusuhin, pati suub pati delok, makejang pada jarahin, kemben selaka pipis, sing gelah anake ditu, tuara nu magantulan, sok mangenah pagurimis, teka pelut, anggalang ia salibsibang.
402. Gelis tuturan satua, sampun kocap telung wengi, I Ketut Wayahan Gedot, kocap dane ngandika, I Gusti Ketut Kenjing, Lagongkoka Batu Karu, sampun sami majalan, Raden Botoh Manail paling pungkur manyalanang babandaran.
51a. 403. Wang jrone pada telasan, kerik tingkih seluh pangi, makejang pada maketot, ban takute manyelit, raris dadi mamargi, manegakin sampun, peteng lemah majalan, wenten nang limolas wengi, kaget rewuh, mangkin mareng Pamamoran.
404. I Dewa Gede Saloka, sedek ia katangkil, di bancingah mangrawos, I Gusti Agung nyarengin, saget I Gusti Kenjing, kabancingah manglawut, Gusti Wayahan Gedot, I Gusti Agung nyapatin, mai malu, ipidan bapa majalan .
405. Nguda bapa makelo san, pinah tiang ngatia-ati, I Gusti Wayahan Gedot, sareng Gusti Ketut Kenjing, gelis dane nyawurin, doning titiang suwe ratu, antuk bas adoh pisan, margian limolas wengi, lintang luyu, kula I Gusti samian.
406. Wenten nyaman raja Mekah, daha-daha makakalih, sami kari anom-anom, warnan dane becik-becik, aturang titiang mangkin, punika kari di pungkur, kari betenan bencingah, punika duwur pedati, ne makrubung,kairing antuk wong Mekah.
52b. 407. Daha-daha papilihan, sawatara pitung bangsit, tan wenten nyang bocok, lanjar sami becik-becik, punggawa tigang siki, punika sami magundul, ngaturang pianak somah, manyerahang pati urip ,.Gusti Agung, gelis dane ngandika.
408. Tunden lawut kabancingah, sang raja putri kakalih, aturin dane kajro, nangmg te mai ambahin, mangda I Gsuti ngaksi, to makejang pacang katur, I Dewa Gede Saloka, ledang pisan mamiragi, dadi kenyung, nah kema tunden nganggalang.
127
