377. Dane Gusti Alit Soka, Tambak Gangsul sami ngiring, tanana ucapen reko , tingkahe macacar pipis, panjake pada mulih, dane Gusti Ngurah Agung, miwah I Dewa Saloka, punggawa lian para Gusti, pada ditu, di bancingah mangajengang.
378. Sarawuhe tuara pegat. mangulurin arak amis, berem kilang miwang acol, tuak tong kena wilangin, wus katurin wajik, sasanganan malih rawuh, samian sampun punyah, tuara nyangkanyangka munyi, wenten tuwun, seret mangembus kadutan.
49a. 379. Mangorahang alim-alim, pasiate nene ibi, len ada tuwun mangetor, inget duke kakembulin, ngorahang tuwara jerih, len ada numbakin suwung, ngaku kuangan, lawan, ada mabinder matari, pada muwug, panjake masuryakan.
380. Wenten sampun dawuh lima, I Dewa ngaluari tangkil, I Gusti ngurah ka jro, panjak sampun sami mulih, punggawa para Gusti, I Dewa Saloka wus rawuh, mantuk ka pasanggrahan, sampun maputusan malih, nunden matur ring Cokorde Jaya Singa.
381 . Wang Jagatra kabudalang, wenten satus ne mangiring bangkene I Singambarong, sampun ia kabakta mulih, miwah panjake sami, batek ne mati matatu, mulih ia ka jagatra, mategen ban joli sepit, ada nduwuh, ada ngaku bedak doang.
382. Tan caritanan totonan, satingkah anake mulih, I Gusti Wayahan Gedot, sareng Gusti Ketut Kenjing, ka Mekah mangraris, ne mangiring wenten siyu, wenten limolas dina, makelon dane di margi, sampun rawuh, dane ring negara Mekah.
49b. 383. Sareng Raden Lagongkoka, Raden Botoh Manail , gumi Mekah liwat engon, kewanten muwug ban eling, I Gusti Ketut Kenjing, ka bancingah ia manglawut, Gusti Wayahan Gedot, ngandika sabdane manis, Batu Karu, kema cai mangiringang. 384. Bareng ken Lagongkoka, Raden Botoh Manail, selam miwah isian jro, akuda nene mati, cai nunden nyarahin, dening cai pacang agung, dini di desa Mekah, eda pisan cai manglepit, apang pulung, kaatur Kapamamoran.
124
