Tuban lan Angsoka Sari, Tambak Gangsul, mangrebut raja di Mekah.
47a. 363. Pada nyempal baan pedang, wenten nigtig ban gagitik, len ada teka mangosok, raja Mekah lina mangkin, wanene tani gigis, suryake malih makuwung, wang Mekah, pada bungkah, tuara ada manolih, esing liyu nungkul, pada ia nyangsangang tumbak.
364. I Gsuti Agung mangandika, mareren malu ne jani, kema maman Wayan Gedot, I Dewa Saloka aturin, mararian nene mangkin, dening musuh suba nungkul, Gusti Wayahan Gedot, mapamit raris mamargi, sampun matur· ring I Dewa Gede Saloka.
365. Sikep sami makilesang, samita masasirig, pada ia mangalih tongos, I Dewa Saloka malinggih, Gusti Agung nyarengin, punggawa sami rawuh, Gusti Agung ngandika, teken prabekel sami, kema awug, pondok rajane di Mekah.
366. Prabekel sami ngiringang, mapamit raris mamargi, sampun mangawug ka pondok, wang Mekah sakarin mati, kari pada mangemit, Raden Ende Batu Karu , Raden Langjong Koka, Raden Botoh Manail , pada nungkul, ngiring maring pasanggrahan.
47b. 367. Para istrine masatia, sampun matuwek ban keris, tanana ucapan reko, wang Pamamoran nyarahin, Gusti Agung ne mangkin, nampekang raris maatur, ring I Dewa Gede Saloka, nartayang Mekah emangkin, keni katur, ring rakan cokor i dewa.
368. I Dewa Saloka ngandika, yan keto bapane mangkin, tuara titiang takut abot, melah bapa jalan mulih, titiang pacang nyarengin, mamarek cokorde ratu, ditu bapa ngaturang, yen nampi ida tan nampi Gusti Agung, patut titiang mangiringang.
369. Raris dane mangandika, ring I Gusti Ketut Kenjing, miwah Gusti Wayan Gedot, bapa majalan ne jani, ka Mekah mangi-
122
