Kaca:Geguritan Pan Bungkling.pdf/118

Saking Wikisource
Kaca puniki kavalidasi

dun, bumara manyelempang, kajambak malih keludin, I Mastrakul, nglawan I Gusti Ambuak.

340. Gusti Ambuak kruak-kruak, mamunyi nagih pilihin, mabinder sambil mangokok, I Mastrakul manyagjagin, negakin jaran putih, makire tembaga alus, sambil nguyeng kalewang, I Gusti Ambuak numbakin, tosing belur, enggalan tumbake pegat.

341. Gusti Ambuak kena lambiang, kasepeg wiakti tan keni, dane Gusti Alit Saloka, nanggening tuara da gingsir, jarane katumbakin, suba ia mati manyingkerung, I Mastrakul makecos, manyepeg mangubat-abit, kena lambung, I Gusti Alit nyulempang.

342. I Mastrakul mangulahang, sing paek to kalewangin, I Gusti Wayahan Gedot, manglawan baan gegitik, I Mastrakul nyungkling, kabeet kena ping telu, tuwed bawonge kena, suryak muwug kadi pasih, I Mas trakul, suba i jani kapunggal.

44b. 343. Tendas nyane kasabatang, gutuk Raden Citra Rukmi, ring Gusti Wayahan Gedot, yatna Raden Citra Rukmi, Gusti Kencana Sari, karep raris nadtad tulup, suba maisi upas, raris nulup matitis, tuara takut, kahujanin baan panah.

344. I Citra Rukmi manyempang, di sampune mangemasin kaarep Raden Mas Anom, maneret mangunus keris, Gusti Kencana Sari, kaojog raris maturang, I Gusti Wayan Tuban, prayatna raris manyanding, mbakta tulup, I Mas Anom mambelengka.

345. Makipekan makta panah, raris katibakin gelis, getihe sambeh mangor, I Gusti Kencana Sari; nanging tuara mati, pageh masih ia majujuk, Gusti Wayan Tuban , manyagjag raris nulungin, pada liyu, wang Pamamoran nyemak.

346. I Gusti Wayahan Tuban, mangamuk tanana gingsir, matanding lawan I Mas Anom, sampun sira kapanahin, cepet dane matangkis, raris nyangkut ban tulup, I Mas Anom prayatna, mangenggalang malangketik, saget rawuh, I Gusti Wayahan Tuban.

45a. 347. Naluju raris manumbak, I Mas Anom suba mati, I Citra Guna

119