Kaca:Geguritan Pan Bungkling.pdf/102

Saking Wikisource
Kaca puniki kavalidasi

pangrawos, titiang manabdabang mangkin, kawulan cokor I
Gusti, keni sampunang nyarubut , Gusti Wayahan Tuban am-
balto ature mangkin, raris matur, Pan Bungkling sambil manyumbah.

216. Iwang ratu tahen titiang, yen medal mancang-mancangin,
kaciwa lawan maobor, tahen titiang boya lilih, dening satru
puniki, akeh mategakan ratu, gajah kalawan kuda, wenten
negakin padati, dening ipun, becat sami maincangan.

217. Jaler ipun panjang-panjang, maneked katunggak batis, becik
pet karyanang abot, keni polih mangiderin, di nyarange kem-
barin, sambilang nanemin bungbung, apang ipun kajengklok,
tegakan ipune sami, deket endut, tan dados ia matindakan.

218. Di sampune ipune rikat, irika amuk sarengin, tahen titiang
teka ngebog, boya kangkat ipun medil, tumbak anggen ngem-
barin, tahenang titiang manundun, manawi ipun yatna, maka
lambi kere sami, wenten antuk, titiang mangkin mandayanang.

219. Kawulane atenga, keni masikep gagitik, kayu nene katos-katos,
Gusti Agung manyawurin, beneh kenehang kai, nah tunden
mangawe bungbung, pada metang lawas, ne gede-gede pilihin,
Tambak Gangsul, kema cai mangenterang.

220. Kayu nene kebang-kebang, to tunden nganggo gagetik, jani
dipetenge ento, tunden cai menanemin, I Gusti Tambak Sari,
raris mangarahang sampun, pepek suba makejang, I Gusti
Agung ka puri, sampun puput, manganggo raris ka jaba.

221. Ne cai Gede Serangan, i dewa Saloka aturin, aturang bapa ma-
ngantos, aturin ida mamargi, tunden manjawanin , pagisiang
marep kawuh, sig gelare ne lawas, cai lawut mamarengin, raris
bangun, I Gusti Gede Serangan.

222. I Dewa Gede Saloka, sampun ida kaaturin, raris mamargi naro-
bos, tekening panjake sami, makanda-kanda titib, bedile no-
ngos di pungkur, kaapit baan tamiang, len paresi mamucukin,
tumbak tulup, pada ia nongos di tengah.

29b.
223. I Gusti Gede Serangan, manegakin jaran putih di maluan sike-

103