Kaca:Geguritan Pan Bungkling.pdf/101

Saking Wikisource
Kaca punika durung kauji-waca

27b. 207. Utusan lawut ngerak, ne teka iba mamunyi, tuara ada anak matakon, buwin managih pilihin, tekan kaine mai kapangandikain, bakal ngamuk, ituni iba nyalempang.

208. I Gusti Wayahan Tuban, Tampak Gangsul ngunus keris, bangun manuding mangokok, makayun mangorok sami, Gusti Kancana Sari, idepe bakal manarung, utusane makejang, utus- an mambangunin, dadi muwug, pada mametek danganan.

209. I Gusti Agung ngandika, mendep denan malu cai, tuara da pragat ban keto, negak denan malu cai, Gusti Kancana Sari, Wayan Tuban Tampak Gangsul, sampun sami manegak, raris mangawugan keris, Gusti Agung, malih dane mangandika.

210. Ne cai pada utusan, kema malipetan mulih, aturin dane mang- antos, kai bakal manandingin, sakayun Gustin cai, utusane raris mantuk, sampun rawuh ring pondok, sang prabu kari katangkil, sampun katur, sabikase di bancingah.

211. Sang prabu raris mangerak, ban krodane ngawing-awing kumise raris mangetor, peluhe pesu ngaritis, apang taananga mani, di daslemah nyane gebug, eda pisan manyangkayang, eda mangitung tatu mati, teka dusdus, hujanin baan sinapang.

212. To iba Sura Dilanga, panjake dandanang sami, bareng kening batu Sorot, buatang ja mani nimpa1in, len I Bagenda Ali, dandanang nyundul kasundul, pangada gagunungan, bakal ada sikep urip, yadin ngepung, tuara ada ia bangjelennya.

213. Batek ne pangandikayang, manyumbah raris mangiring, tuara kaucapang reko, tingkah raja Mekah jani, sampun ngaluaring tangkil, balikin satuane malu, Gusti Agung ucapang, bawu dane kakalahin, antuk ipun, utusane mangandika.

214. Ne cai Wayahan Tuban, ken ken pangrasane jani, dija ada melah tongos, bakal mamancang-mancangin, panjake nene dini, gelarang mamucu-mucu, nongos di wangan gelar, kal tunden nalibungkungin, uli pungkur, engkebang di alas-alas.

28b. 215. Patut pisan tahen titiang, sakadi kayun I Gusti, nika mawasta

102