178
Hyang Agung, sida molih ing payudan, sang Prabu sampun wus mati,
niki ratu, sami panjak jajarahan.
4. Ngiring ratu mangkin budal, ka Purbawyanjana ngungsi, wireh sue ka-
tinggalan, rain atu kenken mirib, sinah sedih bekut ngeling, mamange-
nang ratu ayu, wireh musuh suba telah." Ni Ketut Oka nyawurin, "Ngi-
ring mantuk, pang da sue kahantosang.
5. Aduh nyai i Luh pada, sareng patpat Luh sami, yan tuah i Luh Taresna,
jalan milu bareng mulih, ka Purbawyanjana jani, ditu bareng turu lacur,
kadung san bareng sangsara, olas nulungin yang sakit." raris matur, pan-
jrowane mangiringang.
6. Tumuli raris mamarga, malon-alonan di margi, sambil ngalanglang ka-
longan, ring alas-alas mamargi, tan carita ring margi, ring Purbawyan-
jana kawuwus, Wakparusa ningeh orta, kocap I Mladprana prapti, ditu
lawut, ngorahin wargi makejang.
7. Wargine pada ia egar, Ni Luh Ngasa mangorahin, Ni Alit Warsiki orta,
"Aduh Gusti suud ngeling, rakan gusti sampun prapti, Ketut Oka sareng
rawuh, buin mairingan katah jalanke jani -pendakin," lawut bangun,
Alit Warsiki madabdab.
8. Tumuli raris mamendak, sampun kacunduk ring margi, Ketut Oka raris
nyagjag, Ni Warsiki kajagjagin, magelut ia pada ngeling, majalan sam-
bilang nutur, nuturang tingkahe suba, krana ilang wit kapaling, ban Ni
Dukuh, katur ring Pratana raja.
9. Nutur sambilang majalan, sareng kalih silih ganti, jani sampun neked
jumah, Kawitweruh manakonin, I Mladprana ne mangkin , tingkahnyane
ical dumun, "Dadi twara mahorahan, iyur barayane sami, pada ibuk,
twara karwan magarapan."
10. I Mladprana manuturang, tingkah pajalane nguni, sami sampun kadar-
tayang, rawuh ing ring tengah giri, polih palugran Hyang luih, jantos
pademnya Ni Dukuh, krayan ing polih mayuda, ring Prabu Niraya
malih,jantos puput, sami sampun kadartayang.
11 . Wireh sampun sami sadia, rahayu pada kapanggih, madasar manah su-
satia, marabi magurulaki, sami lulut tresna asih, inggih amunika puput,
gaguritan caclantungan, satwane kwanten mamargi, sasar-susur, pupuh
pasang tuna liwat .
Kabandung antuk I Gusti Ngurah Rai sareng putra
Puput tanggal 28 Januari 1978
