177
21. Mangang-mangang tutuknia kaya giha, I Mladprana kaungsi, tragia I Mladprana, wireh i detia kasoran, tur anglepas panah neki, winata astra, mijil kang garuda luih.
22. Tur pinangan ikanang Bujaga-pasa, naga telas garuda mulih, sang Nata kabangan, anglepasaken tomara, I Mladprana nanggal malih, dening tulak-tala, tomarane punggel keni.
23. Sang Nirnaya ngaksi punggel kang tomara, tumuli mangkin mangambil, anglepas ru sampat, I Mladprana maniwakang, bayu-bajra lintang luih, ru sampate telas, pagalantes paleketik.
24. I Mladprana ngambil eru Arda.candra, sang Prabu kapatitis, sampun katiwakang, keni ulune sang Nata, rah nya muncrat lua warsi, rah ira dadia, detia yaksa pirang koti.
25. Mastakania luir Kalarau mangang, rupan ira mangresresin, mesat ring ambara, mangungsi I Mladprana, detia mayane pajerit, dedet kadi mega, dangastrane luir tatit.
26. I Mladprana kadi rawi prabata, bingar tan kalahan wedi, nulu mangregepang, sarin ikang geni maya, tur katiwakang wus mijil, ikang geni nglayang, muntab murub ngresresin.
27. Rasa ibek nabastala mahitala, de sarin ing maya-geni, ngeseng detia katah, makadi mastaka ika, risaksana sida basmi, pejah sang Nata, saha lalayonnya basmi.
28. Tan ucapan I Mlasprana wus mayuda, panjak Pratanane mangkin, sasesan ing pejah, sarni jrih rarus ngalas, ada nungkul nunas urip, ring Mladprana, kasinoman ing nagari.
LVII. PUH SINOM
1. Kacarita I Mladprana, maranin Janggaketaki, i rika ring tepin alas, kapanggih sedek malinggih, panjrowane manyarengin, seleg pada ditu nunggu, maring sor ing wandira, jejeh nyane tan sinipi, uyang ibuk mangenang sang ngadu laga.
2. Ne mangkin wawu kacingak, I Mladprana ngarawuhin, saha mairingan panjak, sampun nungkul nunas urip, panjak Pratanane ngiring, Ni ulasari umatur, "Inggih gusti nika cingak, rakan gusti dane prapti, nawi sampun, sida alah da sang Nata."
3. I Mladprana nuli nyagjag, nyagjagin Janggaketaki, "Aduh ratu atman jiwa, aksi parekane tangkil, rawuh saking ngendon jurit, sweca ida Sang
