176
8. Pang da rewed beli manangkepang siyat, pisan adi manyantosin, di tepin ing alas ne nyai ajak makejang, makadi Ni Ulasari. Sami ngiringang, mamargi ditu nyantosin.
9. Tan ucapan istri lalima ring alas, yudane Carita mangkin, sawatek Pratana, masuryak ngrebut i detia, manah numbak nulup bedil, detia tan silah, krodane kadi dundunin.
10. Ngerak nyagjag kadi singa muru kenas, wadwa kajekjek paclengik, makeprot, matannya, ada mangembudang basang, limpa paparu lan ati, tendasnya encak, ada kepek perot dingkil.
11. I Tumenggung lintang erang maring cita, manyingak wadwane sakit, sisan sakit pejah, lilih tan panolih timpal, tumandang dane ne mangkin, nangkeping yuda, tan pangundilinwus mati.
12.Tur tumandang Mantri karo wus tumanggal, wawu metang panah neki, kakenan tomara, pejah dene tan pabisa, wadwane sisan ing mati, jrih magulungan, dekah nowostan panolih.
13. Bubar jerih patiluplup ia kaparag, sira Demung amrepeki, neher tinanyanan, karana kapilayuwa, kang bala nora nyaurin, kumeter tang angga, tumbakin masih manyumbil.
14. Sira Demung mangseh ameleg turangga, muter lipung tur manuding, "Iba Mladprana, ne I Demung jani papas, masa iba wurung mati, wus puput mojar, detiane tampek angaksi.
15. Tur kasup sora Demung kapantigang, tekeng kuda lawut mati, prajurit ngwalesang, bareng siyu mapisanan, ngrebut i detia tan gingsir, prajurite pejah, sisan mati telah lilih.
16. Gusti Patih Bayahuri ngawalesang, ngalinggihin punang asti, amuter mudgara, wawu mangseh tang tomara, gajah kena lawut mati, I Patih lumumpat, murengang misadia lilih.
17. Mangebrasang ngnus pedang nyadia nunggal, punggel pedange laketik, I Patih kajambak, antuk i detia karo, katuwek kaceret getih, kapukangpukang, sawannya Ki Gusti Patih.
18. Sang Prabu ngelpas astra tan pantaran, pinangan tang astra enti, dening detia ika, krode detiane tan pira, nglepas tomara kakalih, kena tang siandaba, renyuh tekan ing sarati.
19. Sang Nata lumipat bahen kuciwa, magut detia luih sakti, karana kaparna, nora kasor de wiroda, teher sira Sri Bupati, nunggalang cita, ngragayang santa budi.
20. Puput ngregep detiane tan pajamuga, mulih maring mayageni, kasor dening santa, sang Nata raris mamentang, laras ida nene luih, Bujagapasa, wus linepas angresresin.
