Kaca:Geguritan Mladprana.pdf/176

Saking Wikisource
Kaca puniki kavalidasi

172

5. I Mladprana nuli ngraris ka paturwan, teked ditu ngelut bau, ngurut pipi
ngabag susu, sambil ngaras nyepsep lati, sang Ayu kari gregetan, nying-
gukin sebenge rengu, maklid sambil nampokang, rengune tan nekeng
ati, wireh duka salit arsa, mangdan polih masih ngambul.

6. I Mladprana matur aris, "lnggih dewa, nguda ngambul salit kayun, ken-
ken kayunang i ratu, krana titiang teka mai, mai nyadia ngalih ida, ida
tohin titiang angsur, yaning katangehan, misadia karebut dini, diastu
katekan ing pejah, mati nresnanin i ratu."

7. Bwina mula saking nguni twara ada, tresnin titiang twah i ratu, raket
tresna ngitut, sareng rasa unteng ati, nungkul maserah katitah, sapitu-
duh titiang turut, twara taen lempas, saliyun umpet aidanin, wireh tong
dadi tombahang, manah pitresna ring atu.

8. Napi krana keto gusti manah titiang, eling yan kala salulut, twara ada
mamanduk, raket ngilut ngepus ati, buin bisa ngalap tresna, tutut tong
taen mangapus, eling tresna sarusa, sasengka meweh laksanin, sakadi
mangkin nyinahang, tresnan i ratu manerus.

9. Kudiang titiang dadi lali ring i dewa, manah tresna kadung puput, yan
durung rapah tang gunung, asat sagarane sami, ahas bintang trenggana,
teki tegeh nyukcuk embun, sinah tong nyidayang, titiang pasah ring i
gusti, gusti mineh mengelingang, kenken baktin titiang sampun.

10. Sampunang nyajang nyakitin nebek titiang, antuk wimban ratu rengu,
yan kadurus bendu, titiang pamit sane mangkin, ngursak bale pabunci-
ngan, anggen bukti bakti nerus, mangda katangehan, karebut dini ka-
cangkling, kakletek dadi babandan, mangda ledang ratu nulung."

11. Sang Ayu raris ngaturin, "Aduh dewa, nguda misadia ngalalu, kenken
kapakayun, jeneng marna geseh bakti, mangdoh titiang twara tresna,
legan titiang durung tutug, kari ngalam-alam, ngalem i gusti tong gigis,
yan salah tampi ajahan, ban marna ratu mangapus."

12. I Mladprana manyaurin, "Yaning saja, i ratu pitresna nulus, margi geli-
sang pesu, ninggalin pradesa iki." Janggaketaki ngiringang, I Mladprana
raris muwus, ring panyroane patpat, "Uduh nyai sareng sami, yan nyai
ada marawat, tresna teken beli lacur.

13. Jalan nyai sareng sami maka patpat, bareng ajak beli mantuk, nah yan
Luh apti satru, kema ne jani ka puri, uningang jwa ring sang Nata, mang-
da karwan jani lebur, kang bumi Pratana, yan tan sadia beli mati, nah
ditu olasin pisan, kamben cerik Luh nggen rurub.

14. Panjrowan sami nyawurin, "Aduh dewa, boya titiang apti satru, titiang
nyadia nurut, turut ring dane i ari, subaktine ring i dewa, mangda sareng