Kaca:Geguritan Mladprana.pdf/175

Saking Wikisource
Kaca puniki kavalidasi

171

Ni Ulasari mangiring, tulak mangkin sareng kalih, wengi ring alas lu- maku, sampun surup Sang Hyang Wulan, lesu ia Ni Ulasari, turin matur, "Ngiring gusti jwa mararyan."

10. Tutut dane Mladprana, tan ucapan sareng kalih, Ni Daksa mangkin ca- rita,mlali kala sunia sepi, I Mladprana ne kapanggih, Ni Dukuh bangras amuwus, "Aduh iba Mladprana, mai mangejotang urip, masa buung, iba dini kapicundang.

11. I Mladprana manatasang, kanten sinah Dukuh Sakti, Iaris katiwakin pa- nah, ne mawasta Maya-geni, Ni Dukuh ia geseng mati, tatan pangudilin lampus, I Mladprana mangandika, "Aduh nyai Ulasari, jalan eluh, reh sampun tampek rahina."

12. Tumuli raris majalan, alon tur mararyan titir, rauh ring pinggir ing desa, sam pun surup Sang Hyang Rawi, I Mladprana muwus aris, "Engken Pra- tana punika." Ni Ulasari angucap, "Sampun tampek punang puri, tur ngalawut, rawuhe ring bancingah.

13. Wenten nalikan apisan, lampune sampun makenyit, maduluran galang bulan, luir rahina kang wengi, pangayahe rena sami, masang tataring wus puput, malaluur antuk sutra, I Patih ditu ngajengin, mwah Tumenggung, teken ing Demung manggala.


LIV. PUH DEMUNG

1. Ulasari muwus aris ring I Mladprana, "Gusti mriki jwa makitut, sedek paseliyur, mangda saru jwa ka puri." I Mladprana mangidepang, tutut nyarutcut makitut, ngojok ka pamengkang, twara ada nak nakonin, teked ditu I Mladprana, kaengkebang ring sor bakung.

2. Ni Ulasari mangraris kema ngawas, ring paturon sang ayu, dapetang dane nyingkrung, panjroane ditu nangkil' Padapa Wiraga Slaga, sareng tiga muwus alus, "Nyai apa ada karya, kija uli ibi wengi, melah kaptin nyai ninggal, embok ajak telu bingung.

3. Twara bisa jwa nandakin sang kalaran, nah jani yan nyai sanggup, ngli- purang sang Ayu, embok nyadia nurut nyai." Ni Ulasari angucap, da mbok adwa ring wuwus, sang tiga angucap, "Yan mbok adwa ring mu- nyi, salampah mangda tan sadia, panjakang mbok satuuk.

4. Ni Ulasari mangraris manangsekang, "Inggih ratu sang Ayu, suudang nyingkrung, rakan ratu sampun prapti." Meneng Ni Janggaketakia, Ni Ulasari ia pesu, ngrereh I Mladprana, "Gelisang gusti mariki, rain ratu kasedihan, tan keneng pangan aturu."