Kaca:Geguritan Mladprana.pdf/171

Saking Wikisource
Kaca puniki kavalidasi

167


3. Ature maring sang Prabu, "Ratu wyakti sadia polih, istri dahat ing utama, aturane Dukuh Sakti." Sang Prabu mahatur banban, "Inggih wyakti titiang polih.

4. Mangkin Padanda dumurus, ngayunin dwasane becik, becik yaning pawarangan, nanging mangda polih gelis." Padanda raris ngetartgang, wus ngetang ngandika aris,

5. "Malih tigang dina ratu, dwara pwarangan becik, kajeng dadi sasih klima manuju skura umanis, pasti tanggal ping talulas, patemon sang ratu luih."

6. Sang Prabu umatur alus, "Nyandang becik polih gelis." tumuli ida ngandika, maring dane Gusti Patih, "Iba nyaratang pangsisa, gawene di sukra manis."

7. I Patih mahatur alus, "Titiang pitelas mangiring. "I Patih raris ngetangang, tingkah patemon sang luih, luih nyalanang pangundang, karya madudon kamongin.

8. Sang ngetang karya tan wuwus, wang jrone kacrita mangkin, Ni Wiraga lan Padapa, Salaga miwah Losari, nyumandangang toya siram, sekar pasuryan wawangi.

9. Ngayap ngantosang sang ayu, wireh durung jwa matangi, Ni Ulasari angucap, "Jalan ja kuda tanginin. " Mabawosan sareng tiga, "Nyen sanggup mbok tong bani.

10. Ni Ulasari masanggup, turin ka saren nanginin, dapetang Ni Ketut Oka, manyingkrung sigsigan ngeling, sambilanga ngrikrik daya, mangda sida ban makelid.

11. Ni Ulasari amuwus, "Margijwa gusti matangi." Tutut Ni Janggaketakia, masiram raris masuci, sampun pupute mapayas, ring amben raris malinggih.

12. Nyingak luwong luwang luwung, gumendung manik maukir, ukir sebete manakan, kori mas matrawang kaksi, kuru hmis nruwung sumbrah, sumbrah misadia magedi.

13. Batarane marmer alus, aksi kaden mormor mrismis, tembok gedahe matrawang, patra Cina lan Ulandi, sayan mangunang duhkita, kita ngraga turu ngranjing.

14. Sedek ngraga jwa aturu, ada bikul teka nyandin, gregetan dane ngalempak, bikul kena lawut mati, bangken bikul kahengkebang, getihnyane nuli kambil.

15. Kauwapang maring pupu, sinjang rniwah betek batis, nuli matangi mage-