Kaca:Geguritan Mladprana.pdf/165

Saking Wikisource
Kaca puniki sampun kauji-wacén

161

XLVII. PUH ADRI

1. Sang Prabu mangandika alus, maring Dukuh Saktia, miwah Patih Baya-
· huri, " Nah lawutang jani pundut, ka puri lawutang ditu, maring bale pa-
· buncingan, tur dabdabang ditu lawut, sailen-elen makejang, satingkah
· ing pabuncingan."

2. Ri sampun rauh i rika, Ni Janggaketakia, sampune mangkin matangi,
· tolih cingak jwa Ni Dukuh; Patih makadi sang Prabu, tangkejut dane
· makesiab, mitahen d3ne kapandung, nuli manuptupang manah, sebet
· mangda tan kaciryan.

3. Sang Prabu raris ngandika alus, " Duh Janggaketakia, mas mirah beline
· adi, eda dewa sungsut kayun, da jua keweh i ratu, kenken ja cara nu
· jumah, keto jani dini Ayu, yan i dewa enu kiap, peremang ragane mi-
· rah."

4. Janggaketakia nora mahatur, reh ing durung kwasa, antuk dane nglipur
· budi, tutut dane raris nyingkrung, mrebes yeh panone metu, I Patih lan
· Dukuh Saktia, marna saking suba tutut, Ni Dukuh rarus anyembah,
· "Titiang pamit mangkin budal."

5. Ri sampune pada mantuk, panjrowan parekan, nuli mangunebang kori,
· mangrawos pada pagumung , muji kasaktian Ni Dukuh, bakti ring ida
· Sang Nata, tan kocapan sang magumung, kocapan ida sang Nata, nga-
· rumrum ring pakasutan.

6. "Duh ratu mas mirah saparahu, atma jiwan titiang, tuliamreta sanjiwani,
· nah wusang munika rengu, sayang pangaksine balut, miwah katajep ing
· wimba, isite ngatirah muluk miwah untu nyeridante, nirgawe yan ten
· kenyungang.

7. Wusan ratu amunika rengu, nggih napi karsayang, titiang ngaturang ring
· gusti, panjrowan kembar akutus, tur nyanglup antuk mas ajur, widusara
· lan breliyan, kataman juwa ngulangun, nganggit sekar kang subanda,
· tur manonton manik area."

8. Sang Ayu ndatan sumawur, sang Nata nangsekang, tur angaras angre-
· remih, aptin ida jawa salulut, nyadia nglukar sinjang ditu, sang Ayu
· mingser angesah, sang Nata ngandika alus, "Duh ratu emas kadiang apa,
· tan miturut kaptin ingong."

9. Sang Ayu matur sret amuluh, " Nggih ratu sang Nata, boya titiang tan
· mangiring, awinan titiange ratu, mula nyadia bakti rauh, rerehang riin
· diwasa, mangda patut tatan ipun, ngawit keneng smaratantra, mang-
· dannya polih dewasa becik.