160
4. I Mladprana jani nangis matur nyawang, "lnggih i ratu manulus, las ma-
·
ninggal ngapus, tan ngitung tresnane nguni, ratu ngalih liyang ngraga,
·
titiang mangda sakit bangkrut, durung polih lega, lega makaron ring
·
gusti, gusti elas tan piwelas, ngan makelin raos patut.
5. Patut yan i ratu eling ngan amatra, ring raket tresnane sampun, raos
·
pada adung, twara ada buka jani, i ratu tosung tolihan, dropon nyag-
·
jagin ne luung, ne nglangenin ida, nggih durusang jwa tamtamin, ri
·
mungpung sedeng maguna, titiang depang sakit sungsut.
6. Diastu katekan ing mati titiang nyadia, wireh belog ngerat lulut, jeneng
·
mula saking tuduh, nguduh mati sakit ati, kaptin titiang sareng nunas,
·
yaning sampun titiang lampus, mangdene i dewa, sweca i ratu mangaksi,
·
mekeling jwa titiang sepah, ngurug ban tanah ajumput."
7. Sedek I Mladprana ngeling masambatan, Wakparusa bangras muwus,
·
"Kenkencainyadialampus, manyakitangjadmajalir, adin cai Ni Warsiki
·
pantes tohin cai angsur, ia pageh tresna, jegeg bajang genten jati, gelan
·
uluh nu di basang, pakardin meme lan guru.
8. Nto krana patut tindih mangidepang, munyin bapa mapitutur, nundun
·
cening suba bangun, buin Ni Janggaketaki, karwan suba saking elas,
·
nyingid matinggal mangapus, mangawenin jengah, jengahang atine ce-
·
ning, apang dadi masih elas, ilangang tresnane sampun."
9. I Mladprana matur aris, "Inggih bapa, wencanan bapane patut, patut ti-
·
tiang saturut, nanging titiang matur sisip, durung purun manyanggup-
·
ang, manyanggupang elas cepung, inggih kari negarang, nambakin ma·
·
nahe sedih, bilih wenten sadian titiang, pungkur sinah bapa weruh."
10. Keto antuknya nyaurin lin tang plapan, nuli magebras macebur, wargine
·
sami mahatur , seleg ganti mituturin, I Mladprana sebeng bingar, macan-
·
da ia saling gulgul, maduk truna bajang, saling jokot sating tundik, ne
·
jani ndatan critayang, kacarita ia Ni Dukuh.
11. Wawu sore sampun prapti ring Pratana, Patih Bayahuri iku, makadi
·
dane Ni Dukuh, manyogjog raris ka puri, sang Prabu raris ngandika,
·
"Engken ke dane sang Ayu." Ni Dukuh manyembah , sareng Patih Ba-
·
yahuri, "Niki panjroan i dewa, kari ·pules liwat lesu."
12. Sang Prabu nganampekin tur manyingak, swarupane lintang ayu, Sang
·
Hyang Ratih manurun, lengleng sang Nata mangaksi, tur kapiwlasan
·
ring cita, cita kasemarang lulut, tur ingusap-usap, "Duh dewa sang Ayu
·
bangkit, tong ada pada dijagat, Sang Hyang Sdri Putri nungkul."