153
XLI PUH SINOM
1. Sang Mayati mawacana, "Cai uli dija mai." Wakparusa matur banban, "lnggih ratu sang Mayati, titiang parekan sang Yati, Wakparusa titiang ratu, kakonkon marek Padanda, antuk Ni Janggaketaki, mangda mulus, swecan palungguh Padanda.
2. Nuli nguningang satingkah, kranan I Mladpranan mati, turin matur mangda sweca. I ratu mangkin mangaksi. Padanda ngandika aiis, "Nah jalan te jani mantuk." Tumuli raris mamargi, ndatan kocapan ring margi, saget rawuh, rika ring Janggalatresna.
3. Raris ida mangandika, "Duh nyai Janggaketaki, bangun nyai bapa teka." Ketut Oka muwang Warsiki, wawu eling tur matangi, nyingak Seri Empu rawuh, nuli matur saha sembah, ngelut suku sareng kalih, "Duh sang Wiku, waluya parangan merta.
4. Manah titiang kapetengan, Padanda waluya sasih, purnama nyunarin titiang, titiang satsat taru aking, kebus kapanasan rawi, sang Yati para- gan jauh, manayuhin manah titiang, titiang mapedewek gering, twah i ratu, paragan Hyang Kasiapa.
5. Durusang sweca ring titiang, mangda dane malih urip, parekan singgih Padanda, reh pejah tan maseng pati, pademnya keni kadesti, dosa nres- nin titiang lacur, nika ne jengahing titiang, ngahngah nyeluh ulun ati, malih idup, kadung ajak titiang nraka."
6. Padanda ngandika banban. "Kudiang ngidupang ne jani, kene katatwan- nya dewa, awanan jadmane urip, dadwa sang Hyang atma cening, keto tuturannya ayu, telu sang Hyang Pramana, catur Sang Hyang Manon malih, yan puniku, salah sawiji matinggal.
7. Ngranang pakewuh kalaran, yaning atmane ninggalin, dadi sakit jadma ika, yan pramanane ninggalin, dadi niwang jadma niki, yan Hyang Ma- non nora kantun, dadi wuta ikang jadma, yaning Sang Hyang nunggu urip, ninggal ditu, dadi pejah ikangjadma.
8. Nahke ban bapa tarema, indayang jalane jani, ring setrane nunas ica, ring ida Hyang Praja pati, jalan cening kema jarii, kayang layon kema pudut." Jangga Ketaki ngiringang, "lnggih bapa makakalih, margi pu- ndut, payone aba ka setra."
9. Kawitweruh Wakparusa, ngreges sideg manyawurin, "Pacang kukudiang ikang sawa, Ni Warsiki lawut nyengking, "Nahke gosong sareng sami,
