148
XXXVIII. PUH GINADA
1. I Mladprana naggal ngucap, "Mangkat dewa sareng sami." Sami sisiane ngiringang; tumuli raris makebur, sapamargin sisia ika, mangkin uning, Ni Dukuh sisiane tungkas,
2. Kroda dane tan sapira, maring sisian dane sami, Ni Dukuh nuli masa- ngang, pamungkem miwah panawut, sisia sami sampun kena, bungeng paling, lesu rasa tanpa jiwa.
3. Suku tan sida tumindak, netrane ndatan pangaksi, tangane tan luma- beya, karnane ndatan pangrungu, irunge ndatan pangungas, lamben iki, ndatan kawasa angucap.
4. Ni Dukuh raris angucap, krodane tan sipi-sipi, kadi geni ngarab-arab, niwakang pedang puniku, dekdek renyuh punang sisia sami mati, si- siane nemnem punika.
5. Kawit weruh Wakparusa, uning ring sisiane mati, munyin nyane sada asru, "Kantin cening sami pejah, nah tragianin." Mladprana ngidep tra- gia.
6. Karegep punang japa mantra, nurin durga agung sakti, wak bajra tur sidi mantra, saksana ulung Ni Dukuh, manepen I Wakparusa, ngabasanin, Wakparusa kengin niwang.
7. I Kawit weruh manyagjag, ngunus keris manudingin, tur nuwek Ni Du- kuh saktia, tunggal tebek muncrat mumbul, endih nyane manca warna, ngawisianin, Kawitweruh kena upas.
8. Lesu tan kawasa molah, kukul dungkul ngetor dingin, Mladprana nu- lung nyagjag, tur kalekasin Ni Dukuh, antuk Wisnu murti saktia, sidi mandi, Ni Dukuh tumuli punah.
9. Saksana waluya jadma, I Mladprana manyagjagin, ngunus pedang nya. dia nunggal, Ni Dukuh ia dadi andus, nyeleg apeluk agengnya, angres- resin, I Mladprana pageh dira.
10. Nlekasang nayu Anoman, Bagawan Kusumasari, angin baret nglinuh prapta, mangampahang ia Ni Dukuh, Ni Dukuh tiba mantepan, glis ma- tangi, nglekas dadi brare petak.
11. I Mladprana manangsekang, ngle kasin ban Siwa murti, saksana Ni Dukuh punah, lilih ne mangkin kaburu, antuk dane Mladprana, Dukuh sakti, raris mesat manggagana.
12. Nuli dane nyuti rupa, dadi anak bajang cerik, jegeg kadi Ni Supraba.
