145
3. Wireh liu jwa kenehin dadi jadma, eda mamesik ring sangu, tingkahe pa- tut rahayu, kasida-sida gawenin, da mangulah betek basang, lamun sa- king twara patut, yan pelih ban matingkah, pangkah kone ngipik pripit, mretane ia dadi wisia, yan saking bobab ngamawuk.
4. Mawuk kereng mamuwikin caceketan, bangkung langkung pungung, teken awake kagugu, ngagune bakat gugonin, nganggoang kenehe padi- dian, biluk kiluk nglentuk lukuluk, tingkahe pangkah ngandang, ngan- dong ndongdong ati rusit, rusute pacang tampedang, dosa nuwut ane buwut.
5. Niskala manggih aweci ring sakala, salampah lakune santul, yan nyu- waka munyi puntul, ban mikak jedig mredigdig, ngelah misan ia me- mesan, mindon mingtelu ngalalu, kakasihane kesah, tungkas onya ngawe jengil, jengal umahin ban tamah, sasimbing masambang rawuh.
6. Sapunika yan tan uning ngunadika, bega pasta weteng iku, raksa antuk pakayun, da bahanga asing kapti, lima batis mata ngraksa, ngraksa mata kuping kayun, munyi miwah manah, i tingkah laksana ngemit, apang sida sakti jnana, da muwukin pangan kinum.
7. Mangda sida ban ngelidin Mretyu ika, premadane johang tundung, ken pramada ran ipun, kroda moha loba geng sih, ragapisuna angkara, para- ninda matsaryeku, irsia kingking tresna, maka roras to kelidin, samalih sampunang pisan, makakasihan ring satru."
8. Wus manika manuturin tan critanan, kacrita dane Ni Dukuh, ngandika ring sisia iku, "Kema nyai mamucukin." Sisia katiga ngiringang, raris sahasa tumurun, ngungsi I Mladprana, prayane mamancut urip, I Mlad- prana sahuninga, nuli mangandika alus.
9. "Duh ratu sang kadi Ratih nyalantara, nah sweca ja malih rawuh, kaden titiang ratu ngambul, matinggale semu brangti, ngrebet nyapnyap ma- nah titiang, bane marna ratu bendu, yaning saja duka, lasia pisan titiang mati. yan tusing nepukin ida, ban nguleng manahe cumpu."
10. Ni Swetagana nyawurin, "Aduh dewa, sang kadi Samara turun, di kapan sih titiang ratu, dadi lali ring i gusti, duh dija sih dewa ada, nyawan gedeg teken madu, tunjunge ring toya, i bramara teken sari, keto upamin- nya dewa, manah titiang ring i ratu.
11. Krana teka mangkin mriki mangalayang, nah kewala mangda tepuk, yan ratu twara kapangguh, blasak makita ngantenin, buka bitbit makrebetan inggih yaning sampun pangguh, nyummingkinang rumbang, krana wireh durung polih, upami kadi i nyawan, ngantiang madu jroning pucung.
12. Yan paksa antosang ugi meh katekan, uripe pacang manawur, baya mati
