140
mati, mamatek tungkede ditu, ditu mrutu nyadia nyatu, tur kaharas I Mladprana, tangannya usudang susu, ngusap-usap kang wedana, ming- kin wulangun kang manah.
4. Wireh ngidem krana kayun, enyud ngetel ngelag, elud tan dadi kedetin, "Kedat juwa kuda i ratu, cingak titiang wawu rawuh, rawuh manga- turang awak, awak dingin tidong kupkup, kupkup tekep juwa ilidang, ban elud ngepah ngantosang."
5. Tur kakocok I Mladprana kadundun, kasaluk bawune, kasundang lawut kahabin, "Matangi nggih ratu bagus, suud puik amuniku, yaning sisip nah salahang, eda nyebeng mamurungus, mamengos ngelenang ulat, uleta juwa atin titiang.
6. Ati kadi lablab gebuh, panes buka panggang, manyahnyah puun ngari- tik, ban merat manahe cumpu, pitresna ageng sagunung, ngantenang i ratu nginang, nginang juwa buduh ulangan, kasusupan kasamaran, tong dadi ban ngeret manah.
7. Manah gilik galak mai ngalalu, mangasor manyarah, sereha pacang adia- nin, titiang kosing nagih ngunggul, ngenggalang nginggilang mampuh, adoh para manah titiang, masem mangalahang madu, jukutan ngalahang pamulan, kapasilan nyrihang punya."
8. Sapunika aturnya ngarumrum, selag Wakparusa, ipit ujarnya ngarumuk, "Jambak jwa tendasne kapeluk, apang belah dadi telu, saup batisnya pantigang, panteg bangkiangne pang lung, sapunika jwa ipitnya," sang ngrumuk mlaib murengang.
9. Tolah-tolih angkiane ngarutug, tegtegang tuptupang, teptepin atine gunjih, ganjah misadia mamuuk, tuwekang jani ngalawut, raris dane maklimpengan, sampun madohan malungguh, nanging kari alam-alam, makita ia malipetan.
10. Liput manah bungeng bingung, tong ngitung riwekas, legane jani ulurin, pa pipi bakat pupu, bani congah ngalih cunguh, ambul bakat ne caco- ngah, keto manahe tur culup, calep teken Mladprana, raris nglesu meseh rupa.
11. Sasirepe I Mladprana bancut, tur dane ngrangsukang, sahanan pangasih luwih, pamuter miwah pangenduh, muwah sarining pamatuh, tekaning panangkeb jagat, puput sareng tiga ngrangsuk, Sungsangjenar muli mo- jar. "Jalan malipetan budal.
12. Ne nuwukin atine bingung, malalemes kema, jalane twara katampi, akuda jengahe salud, dimonene suba cukup, pindo suba mahan jengah." Nilapaksa ia miturut, miwah ia Ni Swetagana, matulak ia ngamulihang.
