Kaca:Geguritan Mladprana.pdf/143

Saking Wikisource
Kaca puniki kavalidasi

139
nyulsul ngimur mangda sweca, manampedang, titiang jadma lama mis-
kin, tanpa aji tanpa bikas.

12. Ngarah ngrosah i ratu mriki tanpa sukat, bane sakit manah, manah mi-
sadia ngayahin, ngayahin mai mangayuh, ngayuh yan wantah katampi,
tampen ratu baktin titiang, titiang masanggup ring atu. Sapatitah twara
tulak, nyadia tangkas, ring dane Ni Dukuh sakti, pintonin titiang pu-
cukang.

13. Ditu cingak yaning titiang wedi metoh angkian, baong titiang punggal,
tektek titiang tanding-tanding, bacarang tur anggon, caru, cirine ma-
ngaku bakti, sapunika atur titiang, yan titiang mitia ring atur, mangda
Widine nyisipang, ri wekasan, yadian ping keti numadi, mangda i ratu
manjakang."

14. Keto pragat aturnya ngabakti tur katanggal, antuk I Mladprana, "Bli
tampin ring tresnan nyai, sakewala da mangapus, ngepet singse saking
singid, ila yan ngapus sawitra, kadi Sang Hyang lndra iku, ngapus sang
detya Si Wreta, nraka ida, siyu tahun mangemasin, reh kakenan brah-
matia.

15. Malih wenten ring saritan Tantri kedis Baka, mangapus sawitra, sang-
kala katekan mati, nyai pangda kadi iku, krana beli mapakeling, wireh
liu ngranang punyah, ban bajang jegeg kagugu, sugih sakti luih wangsa,
ngranang betak, yan durung mahan ngenehin, dadi satru to makejang.

16. Ane jejeg ban liune enyakin madan punyah, andel teken goba, kadi
mastra anggon sai, kaden twara bisa buwuk, yan andel deweke ririh, tan
papakering ring apa, bikase ngodag mangadug, twara ngidep gagleme-
kan, ring anak tuwa, bane ngasen awak ririh, ruruh pakaeweh satata."

XXXII. PUH ADRI
1. Puput I Mladprana nutur, nilapaksa crita, sareng tiga sampun uning,
ring Ni Raktakuja nungkul, lan Sugandi sampun ngayuh, erang dane
Swetagana, Sungsangjenar duka murub , Nilapaksa gagrepenan, raris
turun sareng tiga.

2. Masang sasirep pamungkem iku, lan panawut jiwa, sasirepe luih sidi,
Wakparusa kawit weruh, pules ia bah magerebiug, Pancapuspa Rakta-
kuja, Sugandi lelep aturu, I Mladprana sareng nidra, tan maha kena
wimoha.

3. Nilapaksa Sungsangjenar turun, miwah Swetagana, misadia mamati-