138
sakadangnya I Mladprana, mangda tumpur gempung, pasangin gering
kadadak, taranjana". Sisia sami matur ngiring, tumuli raris mamarga.
4. Wus ngrangsuk mesat ring gagana sami Raktakuja, ngendih barak nga-
rab, Sungsangjenar ngendih kuning, Swetagana putih ngunggul, endih-
nya muncrat ngeresin, Ni Sugandi ngendih sliwah, bonnya miyik nga-
lup-alup, Nilapaksa selem ndihnya, kadi jantra, suteja angresin ati, lam-
pah sisiane lalima.
5. Tan critanan lampah nyane gelis sampun prapta, ring Janggalatresna,
I Mladprana ia kapanggih, muwah Pancapuspa nyintud, sang sisia lalima
brangti, Nilapaksa alon ngucap, "Nyai Sugandi mamucuk, sareng ia
Ni Raktakuja, senapatia, mbok di guleme nganti, nanggal nyai yan
kuciwa."
6. Raktakuja, Ni Sugandi tan nulakin lintang galak, tan panahen baya,
turun nyadia manglekasin, wawu ngregep dadi bingung, bengong engsek
kadi lantig, ngebrasang jaga nyingitang, nyengetang enyud ulangun, tam-
banin atine pusang, buka tumbak, enek pusing buka mati, tur punah
waluya jadma.
7. Raris nyagjag I Mladprana kaungsi tur kasembah, kagelut sukunya, bok-
nya kanggen nyadsadin, ciri kalah suba ngayuh, tur matur madulur ta-
ngis, "Inggih dewa Mladprana, supat titiang ratu." I Mladprana beleng-
began, ngucap nyapa, "Saking napi dewa gusti, napi pisadiane prapta."
8. Raktakuja Sugandi nyaurin, "Inggih titiang, saking Suradwipa, utusan
Dukuh saktine, mangda nyedayang i ratu, nista titiang nyadia nesti,
sadurung manggih i dewa, galak titiang tur sumanggup, wawu titiang
manggih ida, balik titiang, mati kasamaran paling, pulung manahe nya-
wita.
9. Kejat-kejat kene kejitan i gusti buka panah, antuk tajep ing wimba,
natunin ngencel atine, kapetengan bengong bingung, kadi sander kilat
tatit, keni seledet i dewa, manah titiang kadi ketus, alep cacingake
nyapnyap, mangranayang, enyud makita nyicipin, lambene manis nga-
tirah.
10. Amunika kitane saking sujati ring i dewa, de gusti nyengguhang, titiang
ngulgul mangulgulin, wantah jati saking culup, calep tong dadi kadetin,
kedetin sumingkin kedat makita manggih i ratu, i ratu sayangang
titiang, da mitulak, diapin twara ada ati, lawanin buat apisan.
11. Nah suudang mamatu manyebengin marungusan, mrenges manah ti-
tiang, titiang pongah ngamerudin , mamerudin mangda kudu, kuduang
kuda ngenyakin, ngenyakin titiang i pongah, pongah teka mai nyulsul,
