137
11. Puniki malih apalih nyandang pisan, i ratu mangdane weruh, Arjuna-
sancaya iku, Bimasrani Pudasrani, miwah Aswadharma Siwa, maring
bayu mangda weruh, nengerin kawisian, kapongor miwah pamali,
yadian kasakitin pitra, pangda ngawag pati kacuh.
12. Nenger panas lawan tis dumalada, makamiwah genah ipun, samalih nga-
rangsuh tenung, nggen ngitungang ngangkepin, sampun uningin to ma-
kejang, muwah niki mangda weruh, apane makada, baana bisa pules
ngipi, ngedusin nyen mangunang, ring grah jajron sang weruh.
13. Mkamiwah nyen malinggih maring netra, maring cangkem muwang
irung, ring tungtung lidah i ratu, ring pabahan Ian ring kuping, ring kulit
enyen irika, yan tan weruh ngrangsuk iku, enu kasusupan, antuk pan-
cendriya gusti, sadripune nu ngawasa, punika kalahang malu.
14. Yan kari to ngarangsukin janten obah, ento kalahang enden malu, yan
jerih ia i sadripu, i sadguna dadi ngranjing, yan kalah i pancendriya, pan-
ca gagunane ngunggul, puput ngrangsuk dharma, kuntisraya rambang
buntil, miwah marining astaka, yan suba en to karangsuk.
15. Lawut ndewasraya sai nunas lugraha, maring Prajapati dumun, yan sam-
pun polih i rika, ring kayangan malih nangkil, yang sampun polih lu-
graha, marajah pawarah puput, mara mahadan balian, yan tong ada nga-
lugrahin, ngandelang usada mantra, idep-idepan puniku.
16. Babayone baya sami telas rusak, panjengkere jengker ipun, pamatuse
kabantus, usada masadah sami, pamugpug dadi pegpegan, panawute
suba muwut, tatulake matulak, pangasih sedih kasiasih, pamatuhe etuh
patah, panawar kalah manawur."
XXXI. PUH DANGDANG
1. Sapunika Ni Pancapuspa nuturin tan carita, Ni Dukuh carita, uning ring
sisiane mati, Pancapuspa kalah nungkul, reh aketo mangesengin, "Ne
nyai sisia makejang, mangkat ne jani ngalawut, anggo kasaktiane onyang
nah matiang I Mladprana to kembulin, tekaning Ni Pancapuspa."
2. Sisia sami matur telas sahiring lintang galak, sami ngasgas tangkah, ature
silih langkungin, "Titiang pamit mangkin ratu, ngwalesang apanga mati,
I Mladprana Pancapuspa, bane nista ipun nungkul, I Mladprana salah
langgah, krana yogia, sakadangnya apang mati, sa wong Purbawyan-
jana."
3. Ia Ni Dukuh tumuli nyawurin, Nah majalan, tur ingetang pisan yan
Mladprana suba mati, nyai marika ngalawut, ka Purbawyanjana raris,
