136
kadi Sutasoma iku, ida ngamanggehang dharma, sweca ring aminta urip, sadia sida ngawengku rat, patut jwa punika tiru.
2. Wakparusa makakirig nyimpen pedang, mamineh jani mamatut." I Mladprana muwus, semu manis sada kenying, "Aduh nyai Pancapuspa, misadia dadi pamucuk, mejah I Rudita, kengken pacang antuk nyai, nah satwain beli amatra, pangda malah cager ngugu."
3. Ni Pancapuspa nyawurin, "Nggih pirengang, pengawit nglekasin musuh, kalahang dewanya malu, Hyang Tiga Siwa di hati, lekasin apang matinggal, saking atinya i satru, tiga Sada Siwa, ring ampru ida malinggih, Sang Hyang Tiga Prama Siswa, ring pabahan tundung malu."
4. Bayu kancing kedeng riyin saking karna, Hyang Pramana saking irung, Hyang Panon saking netra, papupulannya lekasin, ring tumpuking ati ika, bayu sabda idep embus, saking Siwadwara, Sang Hyang atma jwa ambil, panunggu atma udepang, mangda matinggal ngalawut.
5. Wawu munika kasatwin Mladprana, raris dane nyangga muwus, "Liwat mandel beli luh, nanging ada tong cumponin, dening kucap nraka pisan, kasaktiane bisa neluh, twara dadi supat, masih liu nak mlajahin, dikenkene ada lega, lan pamarisudan ipun."
6. Ni Pancapuspa nyawurin, "Wenten pisan, pamarisudan puniku, makadi legane nglungku, di petenge twara gigis, nganggur ka tengah sagara, miwah ka pucaking gunung, puma ring kumpulan, indriyane kahulurin, buin erange majalan, masih ngranang legan kayun.
7. Nto ngranang tan nakutin ujar ala, pamadatne anggon tiru, kucap jele masih payu, reh ngulurin legan ati, sakite twara kenehang, dikatagihane ngarusuh, ngamaling mamegal, duwen dewa masih ambil, sinah ia nemu naraka, ring dasar kawahe mungguh.
8. Ban corah nesti mamaling pantes nraka, inggih yan kadi i ratu, mraga nalian matulung, yan tugak ban ngamong aji, nyanang seda kasangsaran, sakadi brahmana wiku, maicayang dewasa, yan iwang antuk niwakin, nyepuk sasih tanggal ika, makakalih rnanggih kewuh.
9. Ento ngranang tan nakutin ujar ala, pamadatne anggon tiru, kucap jele masih payu, reh ngulurin lega ati, sakite twara kenehang, dikatagiane ngarusuh, mamaling mamegal, duwen dewa rnasih ambil, sinah ia nemu naraka, ring dasar kawahe mungguh.
10. Inggih yan kadi i gusti, mraga balian, ring raga sregepang dumun, balian sarirane rangsuk, nyamane patpat kasihin, ikang sastra dasaksara, mangda pastika ban ngrangsuk, ngapasuk wetuang, kadharman anggen nasarin, miwah aji Dipamala, sarin Ampelgading rangsuk.
