134
10. I Mladprana nyangga manyawurin srengan mojar, "Nah lawutang pisan, ciryang kasaktiane dini, tlahang jua jani rangsuk, panugrane ane luih." Mretawati Pancapuspa, mangregep tatan pasawur, puput ngregep mlecat ilang, tan pamengan, ngranjing ring sor ing pratiwi, Mretawati manggagana."
11. Tan kocapan Pancapuspa Mretawati jani crita, I Mladprana ngadika, ring rabine makakalih, "Beli pamit mangkin ayu, amejah Ni Dukuh Sakti, I Rudita muang Dustaka, tekening sisia papitu, apang da ada mangoda, pabuncingan, i dewane sareng beli, musuhe malu telahang.
12. Tan asuwe mejah satru dasa diri tui ia saktia, swenia limang dina, teka beli ngalih adi, da sangsaya ring kayun, ne bungkung beline gisi, uli ditu atu nyingak, yaning ngenah tanpa ulu, janten titiang sampun pejah, yaning ngenah, makta bunga miwah paksi, nto cihna musuh kalah."
13. Ketut Oka Ian Warsiki manyawurin, "Nggih mamarga, dumadak kasadian, sida jua musuhe mati, ring tan ica Sang Hyang Tuduh, yaning palatra i gusti, kewanten da ngalaliyang, alih titiang ajak lampus, mangda matunggalan bangbang, ciri tresna, mangda sareng pati urip, pitui swarga naraka."
XXIX. PUH GINADA
1. Wenten bapannya ring misan, antuk Ni Alit Warsiki, aran ira Waksarusa, ne alitan Kawitweruh, nyelag nesek I Mladprana, muwus aris, "Bapa nututin i dewa."
2. Tumuli raris mamarga, sareng tiga jwa lumaris, tan kocapan sampun sawat, Ni Mretawati kawuwus, suba ia masalin rupa, rupa paksi, agengnyane tan sapira.
3. Bungut tajep luwir konta, jambul jamprak uwok jering, matannya barak maguwa, ikuh kadi umbul-umbul, kampid lumbang tajep nyapnyap, turun mangkin, apti mejah Mladprana.
4. Wawu ngabehbeh nganuwunang, Mladprana sampun uning, raris dane ngunus pedang, paksi nyander nyadia nucuk, kasempal ulunya pegat, Mretawati, rahnya muncar nuli pejah.
5. Tan kocapan sang lumampah, Pancapuspa reke mangkin, uning ring raine seda, duka dane nuli ngrangsuk, ngaregep masuku tunggal, wus mamusti, mangkin sampun meseh rupa.
6. Kalih peluk agengnya, gundul tur nanar makenyit, kumis jenggot kales
