Kaca:Geguritan Mladprana.pdf/132

Saking Wikisource
Kaca puniki kavalidasi

128

2. Alas Suradwipa luwih madurgama, ajnyana wisesa ipun, tur ngelah sisya
apitu, sami pada bajang cenik, paling klih Ni Panca Puspa, sakti kapracaya ayu, miwah Nilapaksa, Swetagana Mretawati, Raktakuja Sungsangjenar, muwah Sugandi ran ipun.

3. Jalan kema lakun jani mamarekan, mangda mwales, wirang kayun, yan
suweca sinah gempung, sa-Purbawyanjana sami, I Mladprana janten
pejah, somahnyane jalan ejuk, beli ane kelihan, ne cenikan cai ngambil." Puput mojar sapunika, I Rudita ia sumawur.

4. "Titiang pitelas mangiring." Tur mamarga, wengi punika lumaku, reh
kayunne culup, peteng lemah ia mamargi, suwen ipun tigang dina, kocap mangkin sampun rawuh, maring Suradwipa, I Padukwan nyapa aris,
"Cening Dustakara prapta, menekan cai malungguh."

5. Menekan ia sareng kalih tur tinanyan, "Napi karya tumben rawuh."
I Rudita muwus, "Krana titiang rawuh mriki, titiang mangaturang
awak, mangda wa suweca nuduk, nuduk jadma naraka, nraka erang
twara gigis, buduh ngimur ngutang-utang, tanpa guna tumbuh lacur.

6. Lacure tan sipi-sipi ngonyang arsa, nyama wargi anggen musuh, kagedegin ban i guru, i meme ninggalin mati, yan ada makuma welas, liu
nekayang gegajul, krana payu wirang, wirange ngawinang mangkin,
kongkong timpal kacweran, antuk gudig ludin ubuh.

7. Krana titiang nawegang mangkin nering uwe, langgana rawuh mangimur
mangda sweca manuduk." Ni Dukuh raris nyaurin, "Kenken kawit
krana osah. "I Rudita rarus matur, satingkahe suba, sampun sami kapiuning, ring Ni Adnyawisesa, dane piwelas kalangkung.

8. Tur angucap, "Inggih cening da nyebetang, meme ngwales mangda antu,
I Mladprana puniku, karayaning kadang wargi, sa wong Purbawyanjana,
mangda tumpur telas gempung, Ni Jangga Ketaki, miwah Ni Alit Warsiki, sida jwa cening manjakang, madoh buin limang wuku."

9. I Rudita manyawurin, "Titiang nunas, gelisang pisan lumaku." Ni Dukuh sumawur, "Petenge jani mamargi." Ni Dukuh raris ngandika, ring
Ni Mretawati iku, miwah Pancapuspa, "Ke manyai luwas jani, ngamatiang I Mladprana, ring Purbawyanjana iku."

10. Sisia kalih matur ngiring tur mamargi, sampun puput dane ngrangsuk,
tumuli makebur, ring ambarane mamargi, ndatan kocapan ring jalan,
ring Purbawyanjana rawuh, jumah I Mladprana. I Mladprana mangkin
kaksi, nglicuk ngulangun ring natar, bagus pangid nesnes lumlum.

11. Edan ngulangun sang kalih mangatonang, keneng karagan kalulut, liwat