127
2. Ni Warsiki manyawurin, "Yan sampun pandikan bapa, titiang twara puruh tulak, sara bapa manitahang, reh titiang mula kawawa, antuk biyang miwah guru, titiang wantah mangiringang."
3.Bapannya mawuwus aris, ring dane I Mladprana, "Nah cening mangkin
durusang, kadi acepane suba, bapa cutet nyukserahang." I Mladprana
mahatur, "Inggih bapa titiang nunas."
4. I Mladprana muwus malih, marep ring nyama baraya, kalih wong desa
makejang, sawatek sareng irika, ne wawu wusan mayuda, bawos nyane
sada alus, "Bapa beli cai pada.
5. Ke mane jani busbusin, sikep musuhe makejang, pedang arug miwah
tumbak, yan mungguwing ia I Rudita, juwang panganggone onyang,
apang ia pisan malalung, tan pasikep tan pawastra."
6. I wong desa mituturin, sikep satrune kajarah, I Rudita kalalungin, panganggone wus kajarah, kari pules tan marasa, mwang kadangnya lelep
aturu, twara tau teken raga.
7. Crita i wong desa sami, sakadangnya I Mladprana, pada gisu majajarah,
puput nyarah raris budal, sinamian ia pada egar, ngiring I Mladprana
mantuk, maring Purbawyanjana.
8. Awengi irika ngemit, sami muji I Mladprana, ndatan carita irika, sakanoan I Rudita kocap, mangkin bangun kapupungan, misadia pacang
ngalalu, gagawannya telah ilang.
9. I Rudita bangun paling, sambilang nekep parana, sambil ngabag Ni Warsiki, "Duh ratu mas kija ilang, nguda las mangutang titiang." Paling
ngbag ngusud-usud, mara ngrasa kalalungan.
10. Ditu lawut dane ngeling, wawu masa kalalungan, lawut ngeling makiyayangan, brayane kedek mabriyag, adane welas andulu, lawut ditu ia
nangsekang.
11. "Jalan dewa mulih jani, lacur pajalane ngonyang, jumunin jumah buin
itungang. " I Rudita tan matulak, raris sareng sami tulak, ring marga
ndatan kawusus, pagumung tekede jumah.
XXV. PUH DEMUNG
1. Wenten mindonnyane mangkin I Rudita, I Dustakara aran ipun, luwih
asih tur amuwus, " Jalan pisan ngalih kanti, beli ada ngelah sawitra, saktine suba kawuwus, nesti naranjana, wenang ia mamati-mati, nanging ke
adoh genahnya, di alase jwa manukuh.
