107
gatang, sepeg ban kayune cepung, masih tuara dadi pegat, meh sumingkin, maombak galak lumimbak.
12. Gilik manah dadi galak, tuara ngitung ujan angin, krana nyak ngelengang manah, nyadia merihang i ratu. Krana nyak ngaturang awak, pang da ngewakin, titiang matur ring i dewa.
13. Cacad titiang buni pongah, pongah nunas pican beli, pender miik miak tresna, pinggel pendoka masanglup, sane nyunglap matan titiang, buduh paling, pulangin atu duhkita.
14. Kitan atu suba telah, kranane jani megatin, tan tresna ngalih dalihan, reh kayune tuara cumpu, mara jua polih dadalan, sandang becik, ban ida nampesang titiang.
15. Yadian sapunika ida, titiang taler miserengin, mangda ratu sueca pisan, ngrauhin titiang i dusun, rauh ring karange tuang, kuanten polih, titiang matur ring i dewa.
16. Cihnan ing matampak tresna, tampekang ngraos ne mangkin, pang da pada ngadut duka, sami manginggilang patut, yan ento bakat tuutang, dadi puik, ngranang puek pakayunan.
17. Sapunika atur titiang, yanin tan sueca ngrauhin, keris beli paicayang, anggen titiang ambah lampus, nyihnang subakti ring ida, reh ne mangkin, tan tutug ban titiang tresna.
18. Ri wekas mangda kasidan, antuk titiang nresnin beli, reh ne jani titah ing Hyang, megatang tresnane culup, krana atu salit arsa, olas lalis, tan ngitung tresnane suba."
19. Sampun puput dane nyurat, raris drika dane mangkin, ngojog ke karange tuang, ring Luh Ngasa dane muus, "Niki surat buat budal," katanggapin, wus katampi sami budal.
20. Kacrita ia Ni Luh Ngasa, teked jumah nyrahang tulis I Mladprana ia mananggap, . raris kapaca ring kayun, wus karasa raris mojar, "Mbok mawali, mapajar ring Ketut Oka."
X. PUH PANGKUR
1. "Pajarang titiang tan obah, manggeh kadi tulis titiange i tuni, titiang tusing milu ngapus, keto pongah maklinyaran, mapi tresna, titiang jani tuara ngugu, samunyin Ni Ketut Oka, ban keneh iane ganjih."
2. "Nah kema jani majalan." Ni Luh Ngasa raris matulak ne mangkin, ring margine tan kawuwus, crita rauhnya i rika, raris mojar, ring Ketut Oka puniku, samunyin I Mladprana, sampun paridarta sami.
