106
sami, nyusup di unteng ing manah, ulun ati kadi seluh, kudiang jani jua kenkenang, kadung iwang, pisan wantunin ne jani, raris nyurat ngambel kertas.
IX. PUH GINADA
1. "Inggih beli Mladprana, sadaging ing surat beli, sampun krasa antuk titiang, maseman teken kalicung, pakehan teken ing uyah, sepet pait, kantowaline kasoran.
2. Saja kadi surat ida, titiang cangih lintang jalir, ngelap mangancogin titah, suba tuduh buin ugug, kranane dugi ban titiang, ngiyasanin, angganin kadi matapa.
3. Sakatah anake ngoda, pageh titiang tuara gajih, lintang langgeng kaden nglanggang, titiang nguningang ring atu, krana titiang tan marika, ane dibi, tong polih ambah makaad.
4. Wireh katah truna bajang, nganggurin tur makakawin, pinah ngantos buka lemah, yan paksa titiang ngalalu, tan urungan titiang pejah, mangulintik, mati ngawag tong mabaan.
5. Antuk demene kalintang, durung tutug antuk bakti, nirdon yan ing titiang pejah, wireh bakti manggeh kantun, kadi jukung ratu titiang, tan pakantih, kudiang mlayar ngalih ida.
6. Manah titiang kadi wayang, maprada turin maukir, nguranyab tong ngelah peta, sara dalange punika, mangigelang tur ngucapang, wireh gusti, upamiang titiang dalang.
7. Sara gusti mangucapang, titiangjadma sakit ati, i ratu upami balian, pait sepet tamban atu, masih jua gelekang titiang, diastu kari, kasakitan manah titiang.
8. Kadi gadung yan upamiang, paksa manyujuh ngalilit, teka angine ngampuhang, ngawe manah titiang sungsut, panes rasa jua gumuluk, kapunpunin, maluab dadi yeh mata.
9. Yeh matan titiange membah, kaden manganyudang sakit, sakit atine nyangetang, kadi dawut tan pabayu, kadi kena upas mandar, roga mandi, ban atune cepung pisan.
10. Jani suba megat tresna, uug tan dadi ampetin, ampat kari manah titiang, ban baktine manggeh kantun, putihan tekenin kasa, kadi sundih, endih degdeg tan kanginan.
ll. Tresnan titiang kadi toya, apasih maombak ening, kemkenang jani me-
