105
2. Mangamuk sai ngalinyokin saking titah, tuara ngagen ida, jani ngancogin titahe, suba tuduh buin ugug, pelihe jelapang alih,jani suba keniang ida, titiang suud jani ngulgul, ngentuk-entukin i dewa, nah lautang, tuukin kayune jani, teken ne mula keneang.
3. Kayun i ratune mula ganjih yan upamiang, pakayun i dewa, masih kadi mawastrane, apang ngelah seh pang Iiu, yan meseh jadma sesai, ngranang osah uug manah, manahe punyah satuuk, punyahe ban kajejegan, bas andelang, kadi ngelah prabot becik, yan ing mileh pasiliang.
4. Dadi usak kadi sekar yan upami sarine telah, saru dadi ida, yen eling siki kayune, kadi sang sita puniku, miwah ida Sang Hyang Saci, satia wakya guru lakya, tulus ida mangguh ayu, jani ida nyen katulad, nglah lalima, kadi Dewi Drupadi, miwah satsat Ni Supraba.
5. Boga nyidang wireh anak polih panugrahan, sida muali daa, yen ento tempa tingkahe, sinah ida manggih kewuh, krana jani sedeng jumunin, tulad bratan Hyang Bruna, ganjih pakayune tegul, bratan ida Hyang Danendra, nyuci cita, eling pakayune gisi, da nuukin keneh punyah.
6. Bayu brata punika buatang ugi anggen natas, ne patut Ian iwang, mangda patut jua tingkahe, Yama brata jani rangsuk, sakitin kayune jalir, Agni bratane tulad, geseng kayune ngamauk, Surya bratane rangsukang, nah teherang, panesang atine cinging, da drenggi iri atia.
7. Iri ati teken jadma dekil kadi titiang, kandugi ban ida, rumasat anggen satene, kranane jani i ratu, nake nyancang kebo sampi, ratu titiang jani cancang, congrongo atine buut, ne buatang tuara bakat, bakat bungkung, bangkenga kene jani, batik mamatek megatang."
8. Puput nyurat, raris dane mangaukin Ni Luh Ngasa, "Mbok buin kema, ne baang ia surat." Ni Luh Ngasa muus alus, "Mbok ngiring tan nulakin," ngararis ipun mamarga. Kacrita nekede ditu, dapetang Ni Ketut Oka, negag ngayap, acum kuru nesnes gading, kadi bulan kerainan.
9. Ni Luh Ngasa nesek mengenjuin tur katanggap. Ring sampun katrima, rauh Wayan Ruditane, raris dane nyapa alus, "Tembe san Mbok mariki, nawi karya apa karsang. " Ni Luh Ngasa ia sumaur, "Mbok nulad sesongketan, ngidih ajah, teken ing ia adin cai." I Rudita raris negak.
10. Mangaraos saling pujinin saling guyonin, ia Ni Ketut Oka, esek pisan jua manahe, raris dane muus alus, "Mbok budal jua ne mangkin, reh tan becik manah titiang, buin pidan malajah nunun." imbuin dane kejitan, ditu nyantos, di genahe ngraos dibi, Ni Luh Ngasa tur makaad.
11. Raris ngojog ring karange tuang nyingid tan critanan, Ni Ketut Oka crita, jani merem ka sarene, kapaca surat puniku, sampun parisarta
