Kaca:Geguritan Jayaprana.pdf/16

Saking Wikisource
Kaca puniki kavalidasi

15. I Jayaprana manyumbah,
titiang pamit ne ne mangkin,
mapan dereng manah titiang,
kadi ayame makurung,
yuakti titiang dereng binal,
kari wanci,
galak baan kakelegan.


I Jayaprana menyembah,
"Saat ini hamba menolak,
karena belum ada maksud hamba,
sebagai ayam di dalam sangkar,
sungguh hamba belum bernafsu,
masih takut,
berani karena didorong-dorong."


16. Anake Agung semu ica,
nguda keto baan nani,
sok tencebin sawen dogen,
kema iba pesu nganggur,
di pekene di bancingah,
ditu lingling,
anake luas ka pasar.


Raja lalu tersenyum,
"Mengapa kau demikian,
baiklah beri pancang saja, .
pergilah kau melancong,
di pasar depan istana,
di sana lihat-lihat,
orang-orang yang pergi ke pasar."


17. Dewa Ratu Gustin titiang,
titiange rauh sairing,
tumuli mapadu lima,
manyumbah mapamit pesu,
ka pekene di bancingah,
ia nglingling,
anake luas ka pasar.


"Baiklah, Paduka Tuanku,
hamba menuruti."
Lalu mencakupkan tangan,
menyembah berpamitan keluar,
ke pasar di depan istana,
ia melihat-lihat,
orang-orang yang ke pasar.


18. Kaget teka uli kaja,
makelap maanteng kuning,
mapusung lunggah suahan,
maledped teked ka tundun,
bangkiang lengkiang adeg lanjar,
susu nyangkih,
kadi nyuh gadinge kembar.


Tiba-tiba datang dari selatan,
tampak gadis berkemban kuning,
rambut bersanggul mengurai,
menjulur hingga ke pinggang,
pinggang ramping badan tinggi,
susu montok,
bagai putik kelapa kuning kembar.


19. Kukune panjang kumredap,
tayungane membat miring,
tan pendah padapa layon,
wadanane melok lumlum,
alise medon intaran,
kenyung manis,
isite ngembang rijasa.


Kukunya panjang gemerlapan,
lenggangnya lemah gemulai,
tak ubahnya daun muda layu,
wajah mukanya bundar halus,
kening seperti daun intaran,
senyum manis,
gusinya sebagai kembang rejasa.