159
19. Dening sidha dewa ngruwat malan bapa,
ane buwatan sinipi",
sapunika bawos sang karwat,
majěng sang Sahadewa,
sujatine bapa nguni,
twah widyadhara,
uli Siwaloka cěning.''
20. Adan bapa Citranggada Citrangseda,
kabatěk ampahe nguni,
majĕng ring Hyang Guru Siwa,
ditu bapa kasapa,
dadi raksasa sareng kalih,
mangiring ida,
Hyang Durgha ring setra nguni.
21. Saking panguduh ida Dewi Durgha,
Korawane kakantinin,
mayudha ngarěpin Pandhawa,
tatujone apang enggal,
bapa présidha mawali,
30b. mantuk ka swarga,
baan i dewa sang lewih.
22. Nah aketo unduk bapa apang tatas,
buwat hutang bapa jani,
wastu dewa sang Pandhawa,
sami rahajĕng tur jaya,
ring kancang satrune sami,
ngraris i dewa,
tumuli mantuk sami.
23. Ngawit tityang ngětus tatwa ngawi tembang,
tanggal nasional anggenin,
2 Oktober bulannya,
