158
mělah kěma cai mulih.
15. Raris nyawis sang Nakula Sahadewa,
"Kai twara takut mati,
dong lawut mai arěpang,
masa hidup cai karuwa",
sang detya kaliwat brangti,
tur parikoşa,
nyagjag nganggar konta lewih.
16. Sahadewa ne nyabut jani jiwan iba,
kalěpas kontane gělis,
ngěnenin sang Sahadewa,
nanghing tan bĕred ida,
wawu pacang ngayatang malih,
kasuduk wijangnya,
ěbah ngělur ring prathiwi.
17. Waduwannyane sami mlaib pablěsat,
Kalantaka ngwalěs gělis,
sanjata limpung katiwakang,
sang Sahadewa ngarepang,
sapisan i detya mati,
30a. kandugi kalah,
měsěh ida makakalih.
18. Ri wawune sang kalih nginkinang budal,
anak lanang rawuh kakalih,
swabhawa bagus pisan,
tumuli mayambrama,
majeng ring sang Putra Madri,
"Duh singgih dewa,
legan bapane tan sipi.
