155
tan kadi suba-suba,
santukan sami ajĕrih,
ring i detiya,
wantah gěbagan kakalih.
2. Kakantěnang pangrawuh sang ninggal pura,
gělis ipun ngungkab kori,
sang kalih ngapuryang,
jumujug ring panangkilan,
panggih samĕtone tangkil,
miwah baudanda,
sang kalih raris ngubhakti.
3. Nuli ngandika ida sang Dharma Putra,
28a. sang Bhima Arjuna nyarĕgin,
"Uduh adi ajak dawa,
uli kija mara těka",
sang Bhima nimbal nakenin
uli dija dadi mara mulih.
4. Malih nyawis sang Arjuna manakenang,
uduh adi sareng kalih.
běli sangět lěga,
baan sadya i dewa prapta,
těkěd dija lungha adi,
nah uningang,
sang Nakula raris nyawis.
5. Raris mangkin sang Nakula mangarěpang,
ri jōng sang prabhu ngubhakti,
matur uning pariindiknya,
durung puput nguningayang,
pidabdab idane nguni,
saget medal,
ibun ida dulur tangis.
