Kaca puniki sampun kauji-wacén
153
11. Sarakonta katiwakang mangkin,
saya humyang,
pagatik panahe,
sang Kalanjaya kěni wijange,
nanghing tan bintul,
malih nyěcěh mamanahin,
antuk sarotama,
Kalanjaya tan kengguh,
sarwi matbat dahat bangras,
ah Arjuna,
tělahang tiwakang panah cai,
kai twara ya sangsaya.
12. Sing buwungan cai amah kai,
ih Arjuna,
raris ida makilěsan,
antuk wisesan měsěhě,
sang Bhima raris kacunduk,
mirib suba lěsu adi,
nah lawut adi kirigang,
bli jani mangamuk,
nandingin I Kalanjaya,
27a. sada egar,
sang Bhima raris mamargi,
manyujur ka payudhan.
13. Sarwi ida matbat mangkin,
Kalanjaya,
twara buwung pejah,
saha manguyeng gadhane,
Kalanjaya sebet matĕmpur,
gělis ngwalés mangontanin,
yudhane matelasan,
saling gadha saling suduk,
kawěs kapěsan sang Bhima,
