Kaca puniki sampun kauji-wacén
152
ngěmban wadwane sami,
sang kalih raris nyumbah,
singgih ratu prabhu,
tityang nyadya mangiringang,
sareng karwa,
nandingin měsěh bhūpati,
tityang nyadya kapucukang.
9. Ri sāmpune sang kalih ngubhakti,
raris mědal,
mangungsi ka payudhan,
turing arěgép sanjatane,
raris kantěn ida satru,
Kalanjaya mangantěnang mangkin,
pidabdab sang Arjuna,
raris ngarěpang ipun,
saha matbat sang Arjuna,
léga pisan,
ne jani kai matanding,
lawutang jani dangsekang.
10. Sang Arjuna sampun tatas ngaksi,
sanjatanya,
I Kalanjaya,
mangraris mangayatang,
sanjata gěni murub,
yudhane ngrésrěsin,
miwah pagatik sanjata,
26b. ngamijilang gěni murub,
katah wadwa Korawa pějah,
wentěn ngalas,
ipun manyilibang hurip,
Kalanjaya dahat wirang.
