147
kaludan deweke bedak,
raris ida ngaruruh toya ring pangkung,
panggih toya ning pisan,
raris ida nayub wene.
22. Tan kocapan lampan ida,
saget sampun ring Gandamayu prapti,
sang Kalika panggih ditu,
anglila cita ring taman,
nuli kagyat sang Kalika wuwus mětu,
kasěngguh sang Sudhamala,
mawali mangrawuhin.
23. Raris ngarepang panyěmbrama,
inggih dewa sapunapi mawali malih,
22b. napi jaga durus,
mangruwat malan tityang,
kadi kemad sang Nakula nampi atur,
raris ida mangaksama,
boya Sudhamala puniki.
24. Tityang wantah sang Nakula,
rawuh mangkin wantan ngaruruh sang ari,
sang Sahadewa kawuwus,
kocap iriki kasangkala,
inggih dewa yan sweca dewa nulung,
ndikain kuda tityang,
ring dija ipun kapti.
25. Tityang nyadya sarěng pějah,
mangda kapangguh ring niskala malih,
sang Kalika nyawis matur,
ampurayang tityang dewa,
antuk iwang nyengguhang kadi i ratu,
inggih ida sang Sahadewa,
